نقول تاني ؟ " الأب اللى ربى مش اللى خلف ورمى " ؟
كل أب قرر يبعد ويبيع لحمه وماهتمش ، وإستغنى عن شرف المسئولية وإستهتر بنعمة ربنا عليه بالخلف الصالح ، هو اللي خسر ، خسر حقه ورزقه في حب غير مشروط ، خسر ضحكة تنسيه هم الدنيا ، خسر شرف وفخر مردود ونتايج عمله ومجهوده مع إنسان من دمه ؟
خسر كتف يسند عليه علشان هو كمان سندهم ، حد يسأل عليه بدون مقابل ، إيد تاخد بإيده في ضعفه ، إنسان يصلي ويترحم عليه فى حياته قبل موته ، العمر إللي مابيضعش والدعوة إللي مابتنتهيش ، وسيلة تكفر بيها عن ذنوبك وتشفعلك يوم الدين ؟
ف كل أب باع " هايتباع " وكل إللي هان عليه خلفته ، هايهون على كل إللي حواليه ؟
كل إللي إتنازل عن حقه في شرف وفخر رعاية اولاده ، إتنازل عن رزقه وحقه من الدنيا بأديه ، وضاعف ثواب الطرف الاخر إللي شال الشيلة وصمد ببركة ربنا ؟
