الصديق Yahya Ahmed Mahmoud على الفيس بوك
لسه والله النهارده في الحر دا كنت بفكر في الإنسان البسيط إزاي هيقدر يرفه عن نفسه في وسط الغلاء المجنون دا وعدم وجود أي منفذ أو مكان عام ممكن الواحد يستجم فيه ببلاش. لدرجة اني فكرت اكتب بوست اقترح فيه على الناس تفكر في عمل تقاليد جديدة مجانية تناسب الظروف الجديدة (زي اننا ننضف سطوح بيوتنا مثلا ونعمل فيها قعدات مع صحابنا، ونشرب مشروبات غير مكلفلة. شاي بنعناع مثلا، أو مياه بسكر عشان لو حد جاله هبوط) لإن مش معقول ملايين الناس حياتهم تختزل في محاولة النجاة وتوفير الاحتياجات الأساسية فحسب. بس استبوخت الفكرة، لأفاجأ بإن هذا المنشور الرائع والناشر أروع كان من سنة! (سنة!!) وافتكرت كمان مركز شباب العجمي، المنفذ الرياضي الحزين الوحيد اللي كان متاح لينا في فترة المراهقة، واللي كان في الظهير الصحراوي في آخر العالم ومنزوع الخدمات ومحفوف بالمخاطر ومليء بالعربان والهجامة اللي كانوا بيكدروا صفو معظم الأيام. تبقى بتلعب في أمان الله وتلاقي واحد صايع هجم ع الملعب بالفانلة الداخلية والشومة، وقبل ما تلحق تسأله: يا أعرابي، لماذا تحجبون نساءكم؟ تكون الكورة راحت! وحاجة أخيرة، إني مشيت في شوارع مدن أقل تاريخًا بكتير جدا من القاهرة واسكندرية، والشعور اللي يجيلك إن المدن دي على حالها من مئات السنين. مدينة بوسطن مثلا لفيت فيها أيام وما لقتش فيها غير مبنى واحد بيتبنى جديد! لدرجة اني تساءلت الأجيال الجديدة بيسكنوا فين طيب؟ فالشعور دا بثبات الحال، غير انه بيحافظ على طايع المدينة، بيدي نوع من السكينة، بخلاف حالة السعار العمراني القبيح الموجودة حاليا!
ربما لم تفهم البوست ( من حقك ألا تفهمه ) ، لكن وددت أن أقتبس كلام الأخ كتمهيد للموضوع
فعلاً .. لماذا كل ترفيه .. بفلوس ؟ !!
أين حق من لا يملك حتى قوت يومه بالترفيه ؟!!
ي أخي .. الإنسان إن لم يستطع في فترة أن يرفه عن نفسه ضاق وكره حياته !
فكيف بمن لايملك في أي يوم يوم الفرصة ليتمتع قليلاً في الحياة ؟!!
يا أخوة مالحل فعلاً لمن لا يمتلك المال ؟
لا تقل لي أنه بالكاااد سيقضي يومه بحثاً عن طعامه وأكله ، لسنا حيوانات وإن كان هذا من الوجوديات لعيشنا .
أنا أرفه عن نفسي في الإنترنت ، فكيف بمن لا يملك قيمة الكهرباء أصلاً !!
غيري يرفه عن نفسه بالخروج مع الأصحاب ، التنزه خارج المنزل ، التسوق ؟
آسف جداً لاني أطرح موضوعاً فقط أُبَقبِق فيه وأُنابح دون نتيجة ، لكن عسى أن يكون لديكم الحل
التعليقات