هل الغاية تبرر الوسيلة؟

بصراحة انا من مؤيدي فكرة إنو الغاية تبرر الوسيلة مش لأنو الوسيلة ما بتهم بس لأنو الواقع نفسه ما بيكافئ الطُهر ولا النوايا النبيلة إذا ما كانت مدعومة بالفعل والنتيجة

المجتمع بيحكم علينا من اللي بنحققه مش من الطريقة اللي مشينا فيها والعالم ما بيعترف بالخُلق إلا لما تكون ناجح بعدين بصيروا يحكوا عنك “أدب وأخلاق”

أنا شايف إنو الغاية إذا كانت فعلاً تستحق ممكن تسحبنا نبرر أفعال ما كنا راح نعملها لو ما كنا مؤمنين بالنتيجة

لأنو ببساطة ما في طريق نظيف بالكامل كل شي إله ثمن وأحيانًا الوسيلة الوحيدة للخير هي المرور بشيء رمادي أو حتى مظلم

النية لحالها ما بتكفي والوسيلة لحالها ما بتكفي المهم هو الصورة الكاملة وإذا كانت النتيجة عادلة ونافعة وقتها كتير أشياء بتستحق نتغاضى عنها على الطريق