من دواعي سروري في الحياة زي ما كنت أول حد يناقش قصة مفردة في أول جلسات نادي القصة بأسيوط في مقره الجديد في مكتبة مصر العامة باسيوط
أبقى برضه صاحبة أول ندوة متخصصة لمناقشة أعمال الأعضاء المنشورة بمجموعتي القصصية #خضار_الروح
على الرغم من صدور المجموعة من تلات سنين إلا إن أقدار الله حتمت ألا يتم مناقشتها طوال تلك الأعوام المنصرمة لتكون صاحبة هذا السبق والفتح العظيم 😁
وبناء عليه يسعدني أن أدعوكم جميعاً لمشاركتي هذه اللحظة الفارقة في تاريخ البشرية 😎
وأتمنى أن المناقشة تكون خفيفة لطيفة ولا يتفرق د*مي بين القبائل ونلم في أشلا*ئي وعبراتي في قلب المكتبة 🥹
لذا ربنا يجعل كلامنا خفيف عليهم وربنا يهديهم عليا/ المناقشين
رئيس نادي القصة علي عبد الرازق
والشاعر الباحث Ahmed Hassaan
وتدير الجلسة عضو مجلس إدارة نادي القصة (حبيبتشي اللي هتهدي الناس عليا أنا عارفة) الكاتبة وئام عصام
والدعوة عامة للجميع ولكل من يحب أن ينتقم مني ويجي يقولي اني مبعرفش أكتب ومصدعة دماغكم بهريي طول الوقت والمفروض تقيموا عليا الحد 🧐
بس أنا ولا يهمني هفضل أكتب برضه عادي 😇
في انتظاركم جميعاً الأربعاء القادم 12 نوفمبر بإذن الله في تمام السادسة مساءً بمكتبة مصر العامة بأسيوط جوار مدرسة دار الأرقم الإبتدائية ودار المسنين وأمام مستشفى المبرة
كونوا على الموعد
ملحوظة: تعالوا بدري عشان تلحقوا الحلويات اللي مش هيجي بدري مش هيلحق 😛
ملحوظة 2: يارب ألحق أنا 😅
#إنجازاتي
#سارة_الليثي
