اوكيه اوكيه، أنا شخص أكره جدًا شي اسمه حظ في ألعاب الطاولة(BoardGames)، لأنه بكل بساطة يخلي فوزك ما يعتمد على قوتك بل على الصدف، لكن فجأة وأنا أقلب الموضوع ذا بعقلي اكتشفت أنه أغلب الألعاب اللي تستخدم الحظ ما فيها حظ، بمعنى آخر لو جبت لعبة تلعب بالنرد مثلًا زي "لودو"، ورميت النرد، انت تعتقد أنه الرقم اللي طلعلك رقم عشوائي، أو حتى لما تكون لعبة فيها سحب زي "اونو"، انت برضه تعتقد أنه الكرت اللي طلعلك كرت عشوائي لأنكم خبصتم الورق، لكن خلني أسألك سؤال، مين اللي رمى النرد؟ ومين اللي خبص الورق، كل هذه أشياء يدوية انت سويتها، انت حرفيا بتخبيصك للورق يمديك ترص الورق، وحتى لو فرضنا أنهم كلهم مراقبينك، ترا انت لسا بترص ورق لكن الفرق انك بترص على عماها فحتى انت ما تدري ايش رصيت، وأما النرد، فحرفيًا هذه حاجة فيزيائية واذا احترفت رمي النرد ممكن توهم الناس أنك رميته بشكل عشوائي لكن استخدمت الفيزياء عشان يطلعلك أي رقم، حتى رمي العملة، لما بترمي عملة انت بتستخدم الفيزياء، في النهاية اللي يحدد على أي وجه بتنزل العملة هو الوجه اللي بدت منه والقوة اللي انت رميت فيه العملة اللي تعطيها عدد من اللفات.
بس كلنا نتفق أنه محد فينا عنده القدرة المطلقة في أنه يتحكم بقوة ضربته للعملة أو أنه يقدر يرمي النرد بذاك الشكل المميز، لكن في النهاية، يبقى انت ما استخدمت الحظ في لعبتك، إلا لو كان الموضوع الكتروني، واللي هو برضه خلاني أتسائل هل فعلًا لو كان الموضوع الكتروني حيكون عشوائي مية بالمية، ولا فيه فيزياء بالموضوع؟
فلسفة مالها داعي حبيت أقولها... الله يعز الشطرنج :) - بعيدًا عن كونها حتى هي فيها نسبة من ال"حظ" في تحديد مين حيبدأ أول :) -
