هالشعور اكثر شعور متكرر واكرهه ، هالشعور كنت  اشعره من غير لا اكتبه كالمره اخشه بقلبي وروحي وتنزل بشكل دمعه او صرخه او ضحكه كالمره تتغير الترجمه ويزداد الشعور كل ما أكبر .. قبل اسبوع هالشعور طلع بس بشكل يديد شكل مادري اذا هذا  تغيير او لان كان ورا الشاشه الحين هل يختلف شكل الشعور باختلاف المكان والناس ؟ اظن اي لم اكون بروحي عند تلقي الخبر، اكون اهدى واعرف اتعامل مع الموضوع واحاول افهم وين الغلط وشنو كان الصح وهل كان يستاهل بس لم اتلقى الخبر ومعاي ناس متاملين فيني او اشوف فرحه خصمي الي انا هديته  الشعور يختلف لان جدام عيني المشاعر والمشاعر تحركها مشاعر ثانيه .. فمن غير مشاعر جدامي اكيد رده الفعل بتختلف العين تحس مو بس تشوف .. وهذا الي يخلي الموضوع أصعب بوجود المشاعر أمامي وليس ورا الشاشه ، المشاعر تخلي الواحد يتخذ قرارات  تكون اصلا رده فعل مكبتوه وما يقرر ظهورها الا المشاعر نفسها .. هل ممكن كل قرارات الإنسان تحكمها المشاعر وبس؟ اذا الغضب مصدرها القلق واذا الفرح مصدره الحزن  فكيف تجري الحياه ؟ ..التضاد يجعل للقيمه معنى وللحياه طعم ، خيبه الامل ممكن تكون فقط طعم لاذع لا يطاق ولاكن اشرب الصبر والصمت والعقل وتصبح الأمور تجلب الفرج .. الوقت كالسيف ان لم تقطعه قطعك والمشاعر ايضا كالسيف ان لم تحكمها دمرتك !