أزمة "التقاعد" في سن العشرين.. ليه حاسين إن القطر فاتنا بدري؟
في الفترة الأخيرة بلاحظ ظاهرة غريبة جدا ومرعبة، شاب عمره 21 أو 22 سنة وبيكتب بوستات كلها يأس وإحباط وكأن حياته انتهت خلاص أو إنه فشل نهائيا.
السوشيال ميديا صدرت لنا صورة مشوهة للنجاح، خلتنا نقتنع إن لو مابقاش معاك مليون جنيه وأنت عندك 20 سنة يبقى أنت متأخر وفاشل. بقينا بنقارن بدايتنا بمنتصف حياة ناس تانية، وده خلق حالة من الاحتراق النفسي المبكر جدا.
بقينا مستعجلين على الحصاد قبل حتى ما نزرع، ونسينا إن فترة العشرينات دي أصلا معمولة عشان نجرب ونغلط ونتعلم، مش عشان نكون مليونيرات ومستقرين تماما.
دا صحيح وغير كدا إن مفيش حد في العشرينات أو أول الثلاثينيات ويبقى معاه ملايين! دا نادر جدا جدًا أو يكونوا وارثين عن آبائهم أو يكونوا ابتدوا بداية غلط غير مشروعة كالإتجار في الممنوعات وإلا فكيف لشاب يعمل عمل عادي أو حتى مميز أن يكون له ملايين؟! برأيي أن تلك النماذج هي التي تجعل الشباب يتعجلون الثمرة قبل أن تنضج ويريدون ان يحصدوا قبل أن يزرعوا فلما لا يحصل هذا يصابون بالإحباط وكله بسبب التقدير الخاطئ للغنى و النجاح الموهوم.
دا صحيح وغير كدا إن مفيش حد في العشرينات أو أول الثلاثينيات ويبقى معاه ملايين! دا نادر جدا جدًا أو يكونوا وارثين عن آبائهم أو يكونوا ابتدوا بداية غلط غير مشروعة كالإتجار في الممنوعات وإلا فكيف لشاب يعمل عمل عادي أو حتى مميز أن يكون له ملايين؟!
هناك الكثير من الشباب الذين بدأو في التجارة الإلكترونية وصلوا لهذه الأرقام وأكثر.
أتابع جروب اسمه عيادة الشركات، يحكي في أصحاب الشركات تجاربهم ومشاكلهم، هناك شباب في أوائل العشرين يحققون ملايين بشكل شهري
الأمر مبهر إلى حد كبير
فكرة ان الملايين في سن العشرين هي بالضرورة ورث او تجارة ممنوعات ربما كانت صحيحة في جيل ابائنا لكن في عصر التكنولوجيا والبرمجيات والمحتوى اصبح التوسع والوصول للعالمية ممكنا بشكل لا يستوعبه العقل التقليدي
ألا يمكن ان يكون وصف هؤلاء الشباب بالنماذج الوهمية هو مجرد محاولة لانكار ان قواعد اللعبة تغيرت تماما وان الذكاء الرقمي اليوم قد يسبق سنوات الخبرة التقليدية بمراحل
لا، أنا لم أقل غير موجودين ولكن تلك الكفايات الرهيبة و القدرات العظيمة نادرة ونادرة جدًا بما لا يقاس عليه! يعني أن تجد مبرمجًا عبقريًا في العشرين يعمل في جوجل ويحصل الملايين في بدايو حياته العملية فهذا مما يعد على أصابع اليد الواحدة.
كلامك منطقي بخصوص ان العباقرة دول قليلين اوي بس مش شايف ان النظرة دي بتظلم الجيل الجديد وبتحشره في قالب قديم مبقاش موجود
فكرة ان لازم تكون عبقري في جوجل عشان تعمل فلوس في العشرين بقت قديمة جدا النهاردة فيه شباب عاديين جدا بمجرد فهمهم لخوارزميات السوشيال ميديا او التجارة الالكترونية بيعملوا ارقام كانت محتاجة شركات كاملة زمان فالموضوع ملوش علاقة بالعبقرية النادرة قد ما ليه علاقة بالادوات اللي اتغيرت
التعليقات