النهاردة حسيت اني حابه اقول حاجه ..
الدنيا مش وحشة ، على قدر ما هي دار ابتلاء
يعني ربنا كان معرفنا من الاول انها مش جنة
بس احنا اللي طمعنا شوية فيها
عشان كده خانتنا ،،
بس في وسط كل الظلام ده
هتلاقي ربنا بيطبطب على قلبك بنور كل شوية 🤍
هتلاقي ربنا بيبعتلك فرج في وقت انت مكنتش متوقعه اصلا
هتلاقيك قويت فجاه
هتلاقيك ابتسمت فجاة
هتلاقيه بعتلك ناس بتقولك ان الدنيا لسه بخير بس انت تقول يارب
ناس تطبطب على روحك و تعوضك عن استفاذ الامك و مشاعرك و فكرك و طاقتك ..
بس عشان ده يحصل
لازم انت تحاول تبقى كويس من جوه
و اول خطوة في انك تبقى كويس انك متقولش انا كويس ، لاا لازم تفضل حاسس انه ناقصك كتير عشان تبقى احسن و احسن
و تلتمس الاعذار
و تقدر المواقف
تغفر و تسامح
تتعلم سياسة التفويض
تبقى كريم الخلق
تبقى جدع
تبقى معطاء
متنتظرش مقابل
تعمل الخير و انت حابه و مخلص له ..
و كل ما هتقرب من ربنا
وارد يزيد اختبارك
عشان الشيطان مش هيسيبك
و عشان برده اختبار ان ده قرب ظاهري و لا بجد
ووقت ما توصل للمرحلة دي من الايمان
هتوصل لقناعة
انك مش محتاج اي حاجه من الدنيا
اصله هكافح في ٧٠ سنة زادت او نقصت و ابيع الحياة الابدية عشان ايه ؟؟
الحسبة مش صح من البداية
بس انتم خليكم كويسين ❤
و ربنا فرجه قريب و كريم ❤
و استغفروا كتير
ده ربنا رحمته وسعت كل شيء
مش هيرحمنا احنا الضعفاء ..
و الله ان الثقة بالله تنجي من مهالك النفس 🤍
و لو حد مر بتجربة اتعلم منها قيمة الصبر و قيمة الناس الحلوة ياريت يشاركنا بيها ❤
التعليقات