عيني شايفه فيك ...

على حسب ما هتزرعوا ..

على حسب ما هتحصدوا ...

هي حسبة ناجحة بإذن الكريم

ان اخلصتوا النية لوجهه

فإن زرعتم في أبنائكم الثقة المعتدلة بالنفس

و القدرة على الانجاز

و الايمان بقيمة الوقت و العمل و الصبر و التحدي و الايثار و النجاح 

انك تقولهم انا عيني شايفه فيك كل القوة ، كل العزيمة

انت في كل صعب هتقابله هتكون باذن الل قده

ان ربنا مش بيبتلينا غير اللي بنقدر عليه

انك تديله و لو بصيص من الامل وسط عتمة

حقيقي انت بتخلق منه انسان جديد

انسان بيتولد في ظروف تخلق منه محارب !!

اما لو كل مرة وقع في ازمة او خطأ ،و بعد ما لمته معلمتهوش الدرس

لكن بس فضلت تقلل منه و تقلل من شأنه و تنظرله نظرات خذلان او حتى مجرد حركات بالجسم تدل على الضيق

و حتى لو مكنتش تقصد

فانت بتكسره و انت مش واخد بالك

خاصة لو كنت اقرب الناس ليه !!

اكيد ممكن تكون زعلان عليه

بل و زعلان اكتر منه كمان

بس في وقت المرض او الفشل او الضعف او الاحتياج

مفعول الكلمة و الطبطبة بيبقى اقوى من السحر !

و الله بيشفي بإذن الله ..

فخدوا بالكم من الحركة و النظرة و الصوت و الجملة و الكلمة و حتى الحرف ..

و عيننا المفروض متشوفش فينا الا كل جميل 🌹🌹

احكولي ،، هل حد منكم تعرض مرة لمثل هذه المواقف ؟؟

و هل نظر لها انها كانت في صالحه أم ضده ؟؟