شاركني أهم الدروس التي تعلمتها في حياتك

السلام عليكم جميعًا 🌿

غدًا يصادف يوم ميلادي الـ19، وبصراحة حبيت ما يكونش نهار عادي، حبيت يكون فرصة نراجع فيها نفسي ونشارككم حاجة من قلبي.

خلال هاذ الـ19 سنة، عرفت إنو الحياة ماشي سهلة، فيها تعب، سقوط، وفرح مؤقت… بس فيها دروس ما تتعلمهاش من الكتب.

تعلمت ما نقارنش نفسي بغيري، ما نستناش شفقة من حتى واحد، ونتقبل إنو ربي دايمًا يكتب الخير حتى في المواقف اللي نراها شر.

تعلمت أيضًا إن التعب ما يروحش هباءً، وإن السعادة ما تتأجلش، لازم نعيش اللحظة ونكمل نؤمن بطريقي مهما بان صعيب.

لكن اليوم، وأنا نكتب هاذ الكلمات، حسّيت بشي مهم:

أنا ما زلت نتعلّم… ولهذا حبيت نسمع منكم ❤️

وش هو أهم درس علمتكم الحياة إياه؟

كلمة، موقف، تجربة… أي شيء تحسوه غيّر فيكم.

نحب نشارككم ونتعلم منكم، لأنّي مؤمن أن كل إنسان مرّ بحاجة تستحق تُسمع 💭