عبد الحفيظ ذكرى الراوي
ابو رؤؤف و البسطاوى
شغال قصاد الصيدناوى
فى فرع مكتب شهر عقارى
اقرع و شناباته عريضة
مؤمن ولا تفوتو فريضة
إلهي ما يحطو فى ضيقة
يشوفها بايع ولا شارى
حضرله ورقة بخمسينة
تيجى الاصول من الخزينة
اسأل عليه ام سكينة
أو يحيى مكاري
متكلموش الضهرية
علشان ميعاد الضبطية
روحله تلاقيه العصرية
عند نسيم جاري
طبت نيابة المطرية
عليه في يوم الصبحية
لقوا الشيكات والمصوغات
وفضيحته كانت سَهاري
يرجى الدخول لحسابك أو تسجيل حساب لتستطيع إضافة تعليق
حساب جديد
دخول