على الهامش واقف فى طابور مترين
وسيادته قاعد مفرشخ عينيه رايحين جايين
يقلب دا فى مية ودى فى ميتين
وانا اللى كل ما أوصل أرجع مع الواقفين
والحاجة صبحية من الصبح مستنية
والبُكّ عمران.. شبعان من النقدية
وجنابه مفرودة.. وممدودة نواحيا
يا رب يا عالم بحالى وحال الكل
مسيرى يوم اتعتق من دا الوجع والذل
وأرتاح من السروح زى بتوع الفل
جميل أ.مروان
قرأت كلماتك(أنا اللي كل ما اوصل ارجع مع الواقفين)
وكأنها توصف الوضع الحالي للأوضاع الاقتصادية في البلاد ، وأنه كلما تقترب من الحل الأمر يزداد بعدا وتعقيدا، أليس كذلك؟
في المجمل يعجبني كثيرا الشعر الحر ونثر الأبيات باللهجة المصرية.
لكن لدي تعقيب خاص بخصوص آخر بيت الخاص ب"بتوع الفل".
لماذا قد نطلب الراحة من العمل؟! العمل يكفينا السؤال والحاجة، العمل رغم صعوبته ومشقته يظل دليل على الصحة والقدرة على السعي وكسب الرزق.
هل تعتقد أنه في حال تحسن الأوضاع الاقتصادية في البلاد سيكون هناك راحة من العمل وطلب الرزق؟؟!
التعليقات