قالوا قول سلام وسلم
لكن لساني عنيد يخاف الكلام والغريب.
قالوا ده وحيد والوحدة أمر غريب
يصبح قلبه من بره زي فاس في أرض متعرفش المايه والخضرة ومن جوا ضعيف زي عجوز مستني موته .
قالوا شايلوه سلاح يمكن يصبح زعيم
لكن السلاح تقيل و خشن زي الشوك
والقلب بردان مش قادر على هوا الليل
قالوا علموه ده العلم نور
كتب الكلام وشكل الحروف لكن مفهموش الكتاب .
قالوا ده الخوف ملكه وملوش في العيشة
سيبوه جنب الحيطة يمكن يبان له صاحب .
يرجى الدخول لحسابك أو تسجيل حساب لتستطيع إضافة تعليق
حساب جديد
دخول