(هند) لما تشوف هند متسبهاش تمشى 👁️

Momagdy99 · 2025-07-16T12:18:14Z

الزمن : الساعة 7:40 الصبح نفس الدقيقة الى بصحى فيها كل يوم من غير منبه من غير وعى كان جسمى خلاص اتعود . انا عمرو 31 سنة موظف ارشيف فى حى مصر الجديدة حياتى ماشية بلورقة و القلم فطار الساعة 8 شاى على الريق ركوب مترو من محطة هليوبليس الساعة 8:23 بظبط كانى حياتى ماشية بشيت اكسيل بس انهاردة و انا نازل لقيت ظرف متكور على باب الشقة من غير اسم ولا عنوان بس مكتوب عليه برا بقلم رصاص ( لما تشوف هند متسبهاش تمشى ) معرفش حد بلاسم دا ولا حتى عمرى سمعت اسمها قبل كدا ولا من بعيد ولا من قريب قلبى خبط خبطة مش مفهومة دخلت الشقة سبت الظرف على الكومود لبست الجزمة و نزلت بس فى حاجة غريبة حسيت بيها وانا ماشى للمترو كنت بشوف كل وشه ماشى وبسرح فيه شوية اكتر من اللازم كانى بدور على حد معرفوش نزلت من المترو نفس المحطة نفس السلم نفس البياع الى بيقف كل يوم بيبيع كنافة ناشفة على ورق جرنان بس انهاردة البياع مش موجود وقفت ثانيتين ببص على مكانه الفاضى حسيت ان الشارع فيه حاجة ناقصة بس كملت مسى شغلى على بعد 6 دقايق مشى من المترو لقيت نفسى عايز اجرب طريق مختصر جديد عديت الشارع دخلت شارع جانبى مدخلتوش قبل كدا و انا ماشى لقيت مكتبة عتيقة من بتاعت زمان التراب مغطى اليفطة و الازاز من برا باين من وراه ارفف خشب فاضية مفيش غير كام كتاب كدا اللى موجود انا من طبعى بحب كل حاجة قدبمة لقيت نفس بفتح الباب وداخل صوت جرس اللى فوق الباب خفيف زى تنبيه لحد مش جواه دخلت كان فيه راجل كبير قاعد ورا مكتب كدا مقلش اهلا حتى ولا رفع وشه بس قال الكتاب الى بتدور عليه على الشمال تالت رف من تحت مردتش بس قلت اروح اشوف الشخص المريب دا عارف انا بدور على ايه ازاى رحت لقيت كتاب رفيع متغلف قماش اسود مفيش عنوان بس اول صفحة مكتوب فيها ( هند ... فصل لم يكتب بعد) قفلت الكتاب بسرعة و بصيت ورايا ملقتهوش الراجل كانه اتبخر خرجت بسرعة لقيت الشارع زحمة عادى كان كل حاجة رجعت زى ما هى بس على الرصيف الناحية التانية فى بنت ماشية وشها مش باين بس شعرها طويل و اسود بيتهز مع كل خطوة حسيت قبلى اتحرك قبل م عقلى يستوعب هى ؟ معرفش بس اول مرة احس ان الزمن وقف عشان يشاورلى خلصت يومى فى الشغل و زى كل يوم متعود قبل ما اروح اخد كوباية قهوة فى كافيه كدا جنب المترو بحب ارتب دنيتى قبل اروح ببص جنبى و انا بشرب القهوة لقيتها هى ؟ قاعدة مش بتعمل حاجة مش ماسكة موبيل قاعدة كانها سرحانة فى حاجة بس كانت هناك لبساه بسييط فستان رومادى و جاكيت بيج خفيف شعرها اسود طويل نازل على كتفها عنيها مكنتش بصالى بس كانها عرفانى عارفة انى قاعد جنبها حسيت ان رجلى تقلت مش عارف اققوم بس مش عارف افضل مكانى و لما قررت اتحرك قامت مشيت ناحيتى ببطء لحد م عديت من جنبى وقفت لحظة بصتلى و نطقت جملة واحدة بس ( اللى اتاخر مايفوتش .. بس مايستعجلش ) و مشيت قومت جرى احاسب و الحقها لكن ملقتهاش فجاءة حسيت ان في حاجة غريبة كانى بقرا اسطر من حياتى اتشال منى قبل كدا و لحد دلوقتى مش فاكر ولا عارف انا شوفتها فين قبل كدا او حتى اعرفها ولا لا ... الزمن : اليوم التالى المكان : ارشيف حى مصر الجديدة دخلت الشغل زى كل يوم المكان ضلمة خفيفة حتى فى عز الظهر ريحة الورق القديم و الملفات المتكدسة تخنق بس خلاص اتعود زى كل حاجة فى روتين يومى الممل اقعد على مكتبى فتحت الكمبيوتر بصيت على النوتة الى بكتب فيها ملحظاتى لقيت نفسى كاتب جملة مش فاكر كتبتها امتى (محدش بيظهر فجاة .. كلنا بنكون متاخرين شوية ) استغربت كدا وقلت يمكن متهيالى بعد ربع ساعة مدير القسم الاستاذ فتحى دخل و معه بنت قال بصوت روتينى : دى هند متدربة جديدة معانا لمدة اسبوعين هتقعد جنبك نظام الارشيف سمعت الاسم رفعت عينى بسرعة هى نفس الوش نفس العين بس وشها دلوقتى واضح عادى بس عينها فيها حاجة مش عادية قلتلها بهدوء : اهلا انا عمرو ابتسمت وقالت : عارفة قلتلها ازاى ؟ ابستمت ابتسامة شبه بريئة و قالت : حد قالى انك مش هتسبنى امشى ..

حذف بواسطة المستخدم
Momagdy99
2025-07-16T12:18:14+00:00

يرجى الدخول لحسابك أو تسجيل حساب لتستطيع إضافة تعليق

حساب جديد دخول

قصص قصيرة

هنا يمكنك ان تنشر قصصك القصيرة , أو تطلب المساعدة من المختصين لانجاز قصصك

2.25 ألف متابع

أطلق موقعك الإلكتروني في دقائق

صمم موقعك كاملا بالسحب والإفلات بدون خبرة برمجية، واحجز مكانك على الإنترنت.

أنشئ موقعك الآن

(هند) لما تشوف هند متسبهاش تمشى 👁️

التعليقات

قصص قصيرة

أطلق موقعك الإلكتروني في دقائق

اقرأ أيضًا