اهم شي تسويه انك تثبت نفسك ومهارتك بمشروع خاص فيك حتى لو كان شي صغير. حاول تعلم وتساعد غيرك سواء طريق المنتديات او المدونات عشان ينظرون لك الناس كخبير وترتفع فرص عملك. طوّر نفسك باستمرار ولا تكتفي بالمعلومات اللي عندك لأن المعلومات دائماً تتطور بتلقى كل شهر (أو اقل) شي جديد.
مالك الا تجرب اشياء كثيره وتشوف وش يضبط معك. جربت اشياء كثير اثارت اهتمامي وخبصت فيها لين لقيت الشي اللي احبه. ولا تحطّني معيار لان ممكن تصير أفضل مني.
1- جرّبت عدة مجالات (حسب رغبتي) وفشلت في العديد منها الى ان وجدت ما أستطيع الاستقرار به. النصيحة الوحيدة التي يمكنني اعطائها هي ان لا تصر على الاستمرار في شيء لم تعد تحبه. 2- دخل جيد وقاعدة عملاء جيدة.
ماعندي قاعدة معيّنة وحده في القمة، لكن أحد أهم القواعد بالنسبة لي: لا تنظر لنفسك على انك شخص ناجح أو خبير مهما كانت أعمالك، لأن هذا الشي بيعطّل عملية تطوّرك وتحقيقك لأشياء أفضل.
ثلاث عوامل: 1- سعودي جيمر بدأ يوفّر لي دخل مقبول. أقل بكثير من الوظيفة، لكن شي يعيّشني. 2- توقّف تطوّر ونمو سعودي جيمر بسبب اني ما عندي وقت أشتغل على أشياء اضافية فيه. 3- آخر وظيفة لي كانت وظيفة لي تم تهميشي فيها بشكل كبير، ونادراً ما احصل على أي شكر أو تقدير لعملي، وهالشي سهّل لي اني اتركها. بالمناسبه عمرك ما راح تكون "مستعد" لشي زي كذا. جمّع مبلغ يكفيك تعيش عليه سنه وجرّب نفسك شوف كيف تمشي الأمور.
ما اعتقد ان هذا الشي راح يصير قبل 5 سنوات من الآن. توفّر الانترنت السريع ماهو العائق الوحيد. ممكن يكون عندك انترنت سريع لكن فيه غيرك يستخدمه وبالتالي ما تحصل على الاداء المثالي. ممكن تلعب في مكان مافيه انترنت سريع اصلاً (زي الاستراحات).
- الاعلانات موجودة ولكن نحاول قدر الامكان دائماً اننا ما نسوي اعلانات الا للمنتجات اللي تفيد جمهورنا، وقد يكون هذا السبب اللي ما تلاحظ انه فيه اعلانات لانها لا تبدو كاعلانات اساساً، والحمدلله تغطّي تكاليف التشغيل. - اعتقد فيه توجّه كبير من مطورين الالعاب عموماً لألعاب الجوال المجانية مع وجود micro-transactions (اشياء تشتريها من داخل اللعبة) وبهالطريقة يستفيد اللاعب والمطوّر.
مقارنة بالمشاريع السعودية الأخرى (من المنشآت الناشئة) يصنّف كقصّة نجاح، لكن شخصياً ما أشوف أنه نجحنا أو اننا "ناجحين" لأن كل ما نتطوّر كل ما نكتشف أنه فيه أشياء أفضل نبي نحقّقها، فما اعتقد عمري راح أفكر فيه انه "قصة نجاح" الا في حال تركته.
أحد الأسباب الأساسية برأيي هو رخص ألعاب الجوال. ما اعتقد الشخص بيكون مهتم انه يبحث ويقرأ تقييمات وآراء عشان يقرّر اذا يبي يصرف ثلاثه ريال على لعبه أو لا، عكس ألعاب الأجهزة المنزلية اللي تكون غاليه وبالتالي لازم الواحد يتأكد قبل الشراء
كنت اطوّر بشكل أساسي على PHP مع فريموورك CodeIgniter بما ان أغلب شغلي كان ويب. بس مريت على عدة لغات مثل C\C++ و Java وغيرها. وللأسف الأشياء اللي سويتها ضعيفة ولا تستحق الذكر :)
من الألعاب اللي شفتها أعتقد أغلبهم يطوّرون الألعاب بشكل غير مدروس. كثير منهم يشتغلون "عالبركة" بدون تخطيط أو علم في تصميم تجربة ممتعة في الألعاب، وتلقاه يسوي اللعبة في يومين ثم يجلس يتفاخر انه سواها في يومين بس، مع انها لعبة سيئة واتمامها في يومين ما يضيف أي شي لها. طبعاً في مطوّرين جداً رائعين ثم عبدالله كونش والفريق اللي معه، اللي اثبتوا أكثر من مره قدرتهم على تطوير ألعاب ممتعة وجميلة.