بالنسبة لتنظيم الوقت ممكن تعمل خطة اسبوعية يعني مثلا تكتب خلال الاسبوع دة عاوز اتعلم كذا واعمل كذا وتكتب الحاجات دي قدامك في مكان انت شايفه دايما وبعدين تعمل خطة يومية تبدا تجزا الحاجات اللي انت كنت مخططها اسبوعيا انك تعمل كل يوم جزء منها بحيث ان قبل نهاية الاسبوع تكون مخلصها وفي اليوم الواحد مثلا اكتب الاوقات اللي بتبقي مركز فيها ودي هتبقي الاوقات المناسبة لتنفيذ خطتك اما بقية اليوم اعمل وقت لممارسة هواية معينة عشان متملش من الاعمال

اولا حكاية انك بتسمع فيديو وتحصل منه 30 في المية بس فدة طبيعي وعادي جدا مش غباء ولا حاجة المهم انك تدون الحاجات اللي في الفيديو وتحاول تذاكرها بعد كدة وهتلاقي نفسك حصلت اكتر من 90 في المية من الفيديو اما بالنسبة للدراسة فحاول تكرر المصطلحات اللي بتنساها وحاول تربطها بصور او مواقف عشان متنسهاش وممكن اللي يساعدك حضرتك علي دة كورس learn how to learn موجود علي اليوتيوب وموجود علي موقع كورسيرا