مرحبًا،
حاولت عدة مرات الخروج من الشبكات الاجتماعية، لكنني فشلت حقًا. :)
يناقش التقرير الضرر الذي يُحدثه استخدام الشبكات الاجتماعية بشراهه وكيف يمكن أن يكون ذلك مضر على مستوى العمل، العائلة، الصحة، بل حتى النوم!
ما هي تجاربكم مع ترك الشبكات الاجتماعية؟
للمزيد
لا اعلم بالضبط ماتعنيه لكن كتجربة شخصية في محاولات تقليل ومعالجة ادمان الشبكات الاجتماعية واخيرا الوصول للاتزان بكل سلاسةوسهولة واتخاذه اسلوب حياه مش مجرد ديتوكس مؤقت وارجع مدمنة وشرهه باستخدامي لها.
بحاول الخص كيف تعلمت اخليه نمط حياه وبدون حرمان
١-تذكر الشبكات الاجتماعية سمة من سمات العصر وعشان تكون مواكب للجيل واحدث التغيرات وجودك فيها جدا مهم!!
اكثر شي تعلمته من تجارب المقاطعه والديتوكس هو (العالم الافتراضي جدا ضروري والوجود فيه جدا مهم)لكن بسبب التطرف للدعوى انه لازم نتركها ونركز بس ع سلبياتها لازم ناخذ ايجابياتها بعين الاعتبار ووش تضيف لنا كبشر كاصحاب اعمال كمواطنين بجميع ادوارنا الاجتماعية ومتطلباتنا النفسية فغلط انك تحاول تتركها كلها عالاقل اترك برنامج يخليك دايم ع تواصل مع العالم الخارجي زي تويتر ،لينكدان
٢-عالج السبب الكامن وراء ادمانك، اكثر واثمن شي تعلمته من حياتي هو اني اناظر نفسي من الداخل اولا ،اكبر غلط اننا دايم نحاول نغير الاشياء من حولنا ننتظر نفسيتنا تتغير وهذا غلط وماله فايدة بس يزيدك احباط لانك ماراح تشوف نتيجة وتكتئب اكثر ،اعرف وش يخليك بالضبط تدمن السوشل ميديا؟هل لان حياتك فارغه تهرب للسوشل ميديا؟هل علاقاتك سامة او ماعندك علاقات تروح تدور ناس افضل؟هل لانك مو عارف تواجه مشاكلك بشكل عام تضيع وقتك بالسوشل ميديا عشان تنساها؟
نبش داخلك وعالج نفسيتك بتلقى نفسك اقل ادمان سواء سوشل ميديا او اكل عاطفي اوحتى مشاكل
كاختصار للي فوق (فقط حدد وش تبي تضيف لك السوشل ميديا؟واختار التطبيق المناسب وتابع الناس المناسبة،ودائما تذكر ان فطرتك هي الاتزان اي شي تدمن عليه اعرف ان وره سبب نفسي عالجه وبترجع متزن بدون تعب)
مرحبًا كا يا،
شكرًا لردك القيّم
واتخاذه اسلوب حياه مش مجرد ديتوكس مؤقت وارجع مدمنة وشرهه باستخدامي لها.
هذه مشكلة أي مستخدم يجبره العمل على ذلك
عشان تكون مواكب للجيل واحدث التغيرات وجودك فيها جدا مهم!
هي متطلب أساسي لممارسة عملي
لكن بسبب التطرف للدعوى انه لازم نتركها ونركز بس ع سلبياتها لازم ناخذ ايجابياتها بعين الاعتبار
أتفق
فقط حدد وش تبي تضيف لك السوشل ميديا؟واختار التطبيق المناسب وتابع الناس المناسبة،ودائما تذكر ان فطرتك هي الاتزان اي شي تدمن عليه اعرف ان وره سبب نفسي عالجه وبترجع متزن بدون تعب
أتفق معك؛ الموضوع يحتاج لفهم أكثر منه نفي ومقاطعه للشبكات .. وجهة نظر مختلفة وتحتاج للتمعن
التعليقات