شركة أدوية في كاليفورنيا إسمها navega أعلنت عن عقار جديد بيقضي ع الألم تماماً وبدون مسكنات.

الطريقة اللي بيشتغل بيها العقار ده هو إنه بيدخل للجسم بيدور ع الجين المسؤول عن بث إشارات الألم من خلال العمود الفقري وبيعمل على توقيفه أو استبداله!

العقار مش إدمان زي المورفين مثلاً ولا نوع من المسكنات، بكل بساطة هو عبارة عن حل سحري واكتشاف عبقري مجرد ما المريض ياخد جرعة منه في حقنة بينتهي الألم تماماً.

الشركة عملت تجربة ع الفئران ونجحت بالفعل وأعلنت إنه هيتم تجربتها ع البشر العام القادم.

وقالت إنه لو التجارب دي نجحت هتفيد كل المرضى اللي بيعانوا من ألم العظام وبالتحديد مرضى السرطان وهيكون أفضل بديل للكيماوي.

الرئيس الروسي بقى بوتين باشا ميفوتش حاجة زي دي غير لما يفكر فيها تفكير مختلف، قال في مؤتمر قبل كده إنه لو العقار ده أثبت فعاليته ع البشر فإيه اللي يمنع إننا نستخدمه عشان نحقن بيه الجنود بتاعتنا بحيث يبقوا "بشر محصنين ضد الألم" حلاليف يعني. شوف الراجل بيفكر في إيه؟!