مرحبا شباب انا نبيل طالب تحضيرية في سوريا (أول سنة في كل اللكليات الطبية بعد هذه السنة يتم فرز الطلاب للكليات الطبية الثلاث بشري,اسنان,صيدلة)

ملاحظة : عنا بسوريا البرمجة اسمها هندسة معلوماتية

انا فتت طب مو عن رغبة انا كان بدي هندسة معلوماتية بس بسبب ضغط الاهل فتت طب وانا حاطط ببالي انو بعد السنة التحضيرية رح فوت اسنان (مستحيل افوت بشري لانو طويل كتير وحفظي كتير ) وانا في الفصل الأول في السنة التحضيرية وادرس المواد وبحس انو مو هيي الحياة اللي بدي ياه اقعد كل الوقت ابصم كتب اقل كتاب 300 صفحة لهيك رجعت فكّر اني ارجع للمعلوماتية خصوصا انو انا متعلم برمجة قبل وفايت بمسابقات بالبرمجة والحمد الله حصدت عدة ميداليات وكنت اتعلم بهذا الصيف برمجة مواقع يعني انا مطلع عمجال المعلوماتية فوجهة نظري اني اكفي معلوماتية واترك الطب

اما اهلي رافضين جدا للموضوع لانو الطبيب مضمون اكتر والو مكانة مجتمعية وانو عمله حر اما المعلوماتية فيك تدرسها ايمت ما بدك مو مضطر تدرسها بجامعة

ووجهة نظري هون من الكلام تبع اهلي انو ما كتير بهمني المكانة الاجتماعية لاني مقتنع انو المصاري هيي المكانة المجتمعية مو ورقة شهادة وفي عشرات الالاف من الدكاترة اللي بيتخرجوا سنويا انا مو مميز عنهم يعني شايف انو الطب ليس مثل زمان عايام اهلي وقت كان اله كتير ميزات وبخصوص المعلوماتية انو بدرسها بعدين انا مو متقبل الفكرة لسببين 1-انو انا بس ادرس طب اسنان انا رح كمل بهالمجال واختص واطور حالي لاعمل شغل او سافر ما رح ضيع وقتي تارجع بلش من الصفر بمجال تاني 2-فكرة انو ادرس طب مع برمجة غير مقتنع فيها لان دراسة الطب بدها وقت دراسة طويل وخصوصا الاسنان فيها عملي طويل جدا فلن اتفرغ للبرمجة ولو مثلا تفرغت بالصيف لن يكون كافي للتعلم والتميز ( يعني منطقيا انا كيف بدي كون مميز عن شخص تاني ميدرس برمجة كل الوقت وانا بدرس وقت قليل فاكيد هو اللي رح ياخذ الوظيفة )

فما بعرف اذا بدخل هندسة معلوماتية حسب شغفي ورؤيتي للمستقبل ام ادخل حسب طب حسب راي اهلي اللي ممكن يكون صحيح

اذا كان عندكم اي استفسارات تانية اسالوني يمكن يبين وضعي واضح اكتر