#مقالة_طبية
انكسر قلبي ع فراقك يا فلان 💔
جملة شائعة بتحمل بين كلماتها حزن عميق و خيبة كبيرة 💔 السؤال هون شو وجهة نظر الطب لشي اسمو انكسار القلب و السمايل هاد 💔 شو وجهة نظر العلم الو 🧐🧐
مقالتنا رح تحكي عن متلازمة نادرة هي متلازمة القلب المكسور او كما سميت على اسم مكتشفها الياباني تاكو تسوبو (the broken heart syn) (takotsubo syn)
ايمت بتصير وشو محرضاتها و مؤهباتها؟؟
فينا نقول انو هالمتلازمة بتصيب الشخص يلي مر بموقف صعب سواء فقد شخص عزيز او حوادث او اخبار حزينة او حتى مفرحة لحد كبير
مثل ما بنعرف البنات عاطفيات بشكل أكبر لهيك المتلازمة بتصيبن اكثر و العمر الو دور بحيث كل ما كبر الشخص رح تزيد نسبة الاصابة
شو آلية هالمتلازمة؟!
الالية هي فرط تنبيه ودي يتحمل مسؤوليتها هرمون الادرينالين (الابنفرين) وتفعيله لمستقبلات بيتا القلبية
شو آثار المتلازمة عالقلب واعراضها العامة؟!
الاعراض مقلدة للنوبة القلبية مثل الالم الصدري وضيق النفس وصعب نميزها عن النوبة القلبية
اثارها عالقلب بتتركز عالبطين الايسر بحيث يتضخم اثناء الاتقباض و يضعف ويصبح بشكل وعاء الاخطبوط كما وصفوه اليابانيين ( رح حط صورتو تحت )
طبعاً التبدلات عكوسة و رح تزول خلال شهر كأقصى حد
كيف بنشخصها وكيف بنفرقها عن النوبة القلبية؟!
على الصورة الصدرية وايكو القلب نشاهد شكل القلب الوصفي لها (وعاء صيد الاخطبوط) وعيب في حركية البطين الايسر
على التخطيط القلبي قد تشابه النوبة تماماً ويصعب التمييز و نميز بينهما من خلال تصوير الاوعية الظليل الذي لن يظهر اي تغير في متلازمة القلب المكسور ومن جهة اخرى عن طريق مشعرات القلب التي ترتفع بسرعة وبشكل طفيف في المتلازمة عكس النوبة التي ترتفع ببطء و تصل لمستويات اعلى
كيف بنعالجها وبشو بننصح؟
نعطي حاصرات بيتا و المدرات و مثبط الانزيم القالب للانجوتنسين اذا وجد ارتفاع ضغط
ننصح بالابتعاد عن الضغط النفسي وممارسة الرياضة
اختلاطات نادرة 🧐
موت مفاجئ + عدم انتظام ضربات القلب + نقص نتاج بطين ايسر
المصدر :
وبنتمنى للجميع دوام الصحة والعافية وأن لا يُختبر صبركم بفقد الاحبة
اعداد وتحرير : جلال الدين المحمد
التعليقات