https://suar.me/8lGyE

بعض الشباب فاكرين إن في استحالة إنهم يتعلموا تصميم المواقع الالكترونية، و إنهم مهما بذلوا من جهد في تعلمه، مش هيبقى في يوم من الأيام عمل حر ليهم على الإنترنت .

الحقيقة إنك لو حابب تتعلم تصميم المواقع، الموضوع ده مش مستحيل، لكن مش هتبقى مصمم مواقع محترف في يوم و ليلة، لازم تتعب و تجتهد قوي، و تتعلم كويس مهارات و لغات برمجة مهمة جداً، ومحتاجة منك وقت كبير علشان تتعلمها منها :

1 – لغة HTLM

في البداية، علشان تتعلم تصميم المواقع الالكترونية صح، لازم تتعلم لغة HTML  ، لأنها هتفيدك في معرفة كل حاجة عن السورس كود الخاص بالموقع، و إزاي تعدل عليه .

2 – لغة CSS

تاني حاجة، مطلوب منك إنك تتعلم لغة CSS  ، و دي المسئولة عن بساطة الموقع، و سهولة التعامل الزوار معاه، و كمان هي المسئولة عن اللمسة الجمالية، اللى هتبان على المظهر الخارجي للموقع .

3 – برنامج Photoshop

برامج التصميم الجرافيكي كتيرة، لكن برنامج PhotoShop  من أفضلها و ده علشان البرنامج هيوفرلك أدوات تصميم الموقع الالكتروني ، اللى هتخليك تصمم الموقع بإحتراف، لأن الأدوات دي هتساعدك في تصميم واجهة الموقع، و التعديل على الصور، و تصميم البنرات، و حجات كتير تانية .

4 – نظام إدارة المحتوى Content Management System

هتحتاج كمان إنك تتعلم أحد أنظمة إدارة المحتوى ، وهي المسئولة عن وظائف منها : إدارة و تحرير و تنظيم محتوى الموقع، و مش من السهل عليك إنك تنشيء نظام إدارة محتوى، لأنه محتاج خبرة كبيرة بالبرمجة، ووقت كبير، وعشان كده هتحتاج إنك تتعلم نظام من أنظمة إدارة المحتوى الجاهزة، و في أنظمة كتير من أشهرها نظام Wordpress لإدارة المحتوى، و نظام Joomla  لإدارة المحتوى .

و بعد أن تقوم بتعلم هذه المتطلبات بشكل ممتاز، قم بعمل تجارب كثيرة أولاً و قبل أن تقدم على عرض خدماتك كمصمم مواقع ، علشان ده هيحتاج إن يكون عندك خبرة كبيرة في طريقة التعامل مع العملاء، وتقدر تحول طلباتهم لموقع الكتروني احترافي .