في كل سنة في الوقت ده بنسمع عن مكافأة نهاية العام ... بنسمع بس لكن مش بنشوف ولا بنحس بيها!
نلاحظ في مثل هذا الوقت اللي كل الشركات بتوزع بونص وهدايا، والناس بتخلص رصيد إجازاتها وناس بتخطط للسفر...
إننا قاعدين بنبص من الشباك وبنقول:
"هو مفيش عميل كده قلبه يحن ويقول خد يا نجم مكافأة نهاية العام او حتى بونص استثنائي؟ طب حتى كيلو حلاوة موسم؟ حتى شوكولاتاية؟ حتى دعوة حلوة؟"
مكتوب علينا نقفل اللابتوب ونفتحه تاني بعد ٣ دقايق عشان فيه تعديل مستعجل من عميل قرر يفتكرنا في عز البرد.
كلمني عن إحساسك كمستقل في نهاية السنة!
هل في عميل فاجأك بحاجة حلوة؟ ولا لسه مستني بابا نويل يبعتلك فاتورة مدفوعة؟
شاركنا قصتك وما تنساش تقول لنفسك: "أنا جامد، حتى لو مفيش مكافأة نهاية العام!"
#أحمدمجدي
التعليقات