مشروع براند التيشيرت الصيفي
مشروع براند التيشيرت
مشروع مميز وهادف
ابتدي من الصفر
وخذ فكره اولا بالقماش
اولا
القماش الصيفي
بيكون قطن
١- قماش البوليفار بيكون اثقل حاجه القماش القطن
والنسيج بيكون فتله ٢٠/١
٢- قماش بارسولا
فيه منه فتله ٣٠/١ بكون خفيف
وفيه منه فتله ٢٤/١ بيكون تقيل شوي
٣- قماش سنجل ليكرا
بيبقي النسيج
٣٠/١
وبتبتدي تضيف فيه نسيج اليكرا بيكون فتلة اليكرا ٧٠
وده اعلي تجهيز للقماش البراندات
٤- سنجل فل ليكرا
بيبقي النسيج
فتله ٣٦/١ - ٤٠/١ وده بيبقي اخف حاجه في القماش وبكون مقارب للقماش الزبده ولازم يدخل فيه فتله ليكرا ٧٠
٥ - قماش بيكا قطن
بيكون قماش محبب ونسبة الليكرا فيه ضعيف
بيتعمل منه تيشيرت البولو
ده اعلي تجهيز للقماش الصيفي للقماش القطن
طبعا فيه قماش شعبي
مخلوط ٥٠/٥٠
واسبن وانا لا ارجح الشغل فيه
تحياتي للجميع
التعليقات
تبدو عليك الخبرة بهذا المشروع ما شاء الله، وهذا ما يدفعني للسؤال عن تفاصيله لو أن شاب مثلي أراد الإستثمار به، برأيك كم احتاج من المال للبدء، وأنا أعرف أن النجاح في أي مشروع ليس مضمون لكن برؤيتك هل هو كمشروع يستحق المخاطرة والتجربة أم لا بالنسبة لشخص لا يملك إلا قدر من المال ليس عنده الرفاهية لخسارته ؟
بارك الله فيك استاذ اسلام
حضرتك كل المشاريع تنجح مع الاصرار والمعرفة
وصاحب البزنس هو اللي يدير مشروعه اضمنله النجاح بنسبة ٩٠ %
10% اخطاء ومنافسه
اما مشروع من مشاريع الملابس
ليه بينجح ودي معلومه اخدها من صديق تركي
رائد اعمال
اثنان من المشاريع تعمل بهم لا تخسر ابدا
الاغذية .والملابس
الناس بتشتغل علشان تأكل وتلبس بجميع منشقات الملابس
يعني كمثال
اذا انا ما اكلت ما اقدر اشتغل
واذا ما لقيت ملابس عندي ما اخرج من البيت لا انا ولا اولادي
فالمشروع اخي لازم تدرسه وتحب العمل فيه
هتلاقي ربنا بيمن عليك بالمهارات والافكار لتنجح
اهم شي الاستمرار
واسف على الاطاله
تحياتي لك
ليتك لو تطيل أكثر فنأخذ من خبرتك ونفهم ونتعلم أكثر، برأيك كم المبلغ المناسب للبدء بهذا المشروع والافضل التصنيع أم شراء الجاهز ؟
جزاك الله خيرا استاذ اسلام
لازم تحدد البلد او المحافظه وتحدد شغلك بيكون علي ايه
كمثال افتح محل
بدل رسميه وجوزات جلد
او شغل شبابي تيشيرت وجينز وجباردين وشوزات رياضيه
او ملابس نسائي بيتي وخروج وعابيات خليجي
او الاطفالي اولادي وبناتي وبيبيهات
وفيه مشروع يونيفورم طبعا ده مشروع لوحده ضخم
وفيه بيع المفروشات والستائر
وفيه فتح مكتب جمله للتوزيع كل ما سبق
ولكل بند بيتحدد المال وتبتدي تشتغل عليه
واقل بند من البنود بيتدي عن لا يقل 500 الف جنيه
قابل للذياده وبيكون مشروع صغير
هذا بمصر (فقط)
بس اهم شي انت اللي تدير مشروعك تربح
لان تعتمد علي المعرفة الكثيرة بمشروعك .