السلام عليكم ورحمة الله وبركاته

اسف انا كان سؤالي محزن بعض الشىء

انا احمد من مصر تحديدا من قرية بمحافظة اسيوط وكمان ازهرى عمري 16ونص سنة وفي الصف الثاني الثانوي

انا منذ اكثر من ثلاثة سنوات وانا احاول اتعلم شىء مفيد او اجرب شىء مفيد رغم صغر سني حينها لعبت بعض الالعاب اونلاين مثل ترافيان كسبت بعض الاصدقاء وايضا المبلغ الوحيد الذى كسبته من النت كان حوالى 5 يوروزز

المهم بعدها بفترة ابتديت في موضع كيف تربح من الانترنت؟؟

كلنا عرفين الخوازيق دي مواقع اختصار الروابط ومواقع ptc

والحاجة دي..

مأخدتش فترة كبيرة بس فهمت انها نصب

حاولت اتعلم كتابة المقالات او التسويق اي حاجة تجيب فلوس بعد قصص وحكايات كتير وتجارف فشلت..

كان هدفي انى اجيب فلوس عشان ازود الامكانيات الموجودة عندي..

نسيت اقولكم اصل انا كان حلمي اكون مبرمج من وانا صغير بس المشكلة كانت فى الامكانيات الضعيفة جدا

المهم بعد فترة كنت اعرف شخص سبمار جزائرى هو القلي اتعلم الويب

بعد فترة فهمت يعني ايه برمجة وحسيت ان ده مجالى بس المشكلة مازلت قائمة ازاى هتعلم وانا معنديش لاب توب او كمبيوتر بامكنيات معقولة حتى

عرفت ان مجال الويب ديزين مش محتاج امكانيات خالص وكده..

فكرت شوية وقلت ممكن ده المجال الي هلقي نفسي فيه وهنجح وهكون حاجة وهتكون الامكنيات الضعيفة دى صعوبة لازم اتحدها..

وصلت نت عندي ودفعت دم قلبي رغم ان السرعة زفت اصلي فى مصر

اببتديت اتعلم برمجة وبداءت لعنة غريبة

كل شىء ضدي الوقت النت الكمبيوتر التلفون اهلي

وقفت مرة واتنين وتلاته وبداءت تاني

المشكلة ان بقالي حوالى 7 او 8 شهور ولم اتعلم شىء يذكر

واسواء مرة احاول ارجع فيها اتعلم من جديد

\\\\\\\\\\\\\\\\\\\\\\\\

المشاكل هي ..... مهم

بقالي حوالي شهر ماذكرتش برمجة ونسيت كل حاجة

النت زبالة والروتر فيه مشكلة غريبة مش فهمها وقررت اقفل النت لاجل مسمى

الامتحانات فاضل عليها 10 ايام

التلفون باظ تماما رغم اني كنت بحاول الصم فيه بقالي فترة

الكبيرة بقا

كمبيوتر بالامكنيات الخرافية دي

معالج \ pentium 4

رام \ 512 ميجا

ويندوز \ xp

الكمبيوتر ده بقاله حوالي 15 سنة شغال عندي وعند كام واحد منهم عمي البعهولي

عايزكم تتصورو اني احيانا بضطر انتظر نص ساعة عشان افتحه واشغل فيديو واشغل المتصفح و محرر الاكواد وباخد في التنقل من حاجة لحاجة سنة وونص

واحيانا بيشتغل كويس لحد ما واحيانا مبيشغلش حاجة خالص

وده السبب الرئيسي

غير طبعا ان عليا ضغوط كتير عشان اذاكر ومشوير البيت وحاجات كتيرة جدا الله الاعلم بها

لو حد كمل القراءة ياريت ينصحني اعمل ايه