لاحظت أثناء نقاشي مع ناس كتير هنا على المنصة إن معظمهم ملتزمين جدا بعاداتهم اليومية، سواء مواعيد الأكل أو النوم أو حتى روتين الشغل. الحاجة دي مش غريبة، لأن الناس بتحس إن الالتزام بالروتين بيخلي حياتهم منظمة ويخليهم يحسوا إنهم مسيطرين على يومهم. المشكلة إن الالتزام ده أحيانا بيتحول لحاجز، يعني الناس ممكن تبعد عن أي تجربة جديدة بس عشان مش متفق مع روتينهم.
في نفس الوقت، كنت بحاول أفهم لي الناس مهتمة جدا بالكتب اللي بتركز على العادات الصغيرة زي كتاب "العادات الذرية"، وفعلا الكتاب فيه أفكار كويسة، بس لاحظت إن الناس أحيانا تاخد منه المبدأ حرفيا، وبتصبح كل حاجة في حياتهم محسوبة بالروتين والحسابات الصغيرة، لدرجة إنهم يخافوا يغيروا أي حاجة حتى لو كانت مفيدة. بالنسبة لي، ده بيخلي الكتاب بيسوق للسيطرة على الوقت أكتر ما يكون بيشرح خطوات عملية فعلا.
الصراحة، من وجهة نظري، الالتزام بالروتين مهم بس لازم يكون في نسبة مرونة ، يعني نقدر نعدل مواعيدنا أو نحاول نعمل حاجة جديدة من غير شعور بالذنب. أنا لاحظت إن الناس اللي بتوازن بين الاتنين هما اللي فعلا بيستفيدوا ويعيشوا حياة مناسبة، مش الناس اللي بتحاول تضبط كل حاجه بالمللي . الروتين مش سيء لكنه فقط وسيله إننا نعيش حياة جيدة وهادية وليس هو الغاية التي نسعى لها .
التعليقات