واقع_مجتمع

• يما تقدملك ابن الجيران سالم، وابوكي اعطاهم كلمة و وافق عليه .

• يما هيك بدون ما تحكولي !!!

• يما احنا ادرى بمصلحتك

• بس يما هاي حياتي ، انا الي بدي اكمل معه .

• بكرا جاي وبتقعدي معه وبتحبي .

....

قعدت معه #ربع_ساعة

• يما م ارتحتله م حبيتو هيك مش عاجبني

• بتحبي مع الوقت يما ابوكي قرا الفاتحة

• يمااا اشي بتحكي ليش هيك بتسوو فيي كاني حمل ع قلوبكم

• يابنتي الشب منيح سالنا عنه خواته و ولاد عمه قالوا وضعه مريح وايدو قصيرة .

....

" خطبة شهر "

• يابا مش مبسوطة معه

• بس تتجوزي بتنبسطي

• بس يابا بديش اكمل معه

• معناش بنات تتطلق

.....

" زواج "

• يما مشان الله مش متحملته مش طايقته

• يما بس تخلفي منه الصبي بتحبيه

....

جابت بنت

• يما هي جبت البنت ومش مرتاحة ، يما ايدو طويلة بمدها عليي

• يما معلش الزلام بحبو خلفة الاولاد بس تجيبي الصبي بترتاحي

.....

" اجا الصبي "

• يما تعبت مش قادرة كل ليلة بنام والدموع ع خدي ، مابقدرني مابحترمني لسانه طويل

• يما اتحملي عشان ولادك ، هسا جاية تحكي صار عندك عر ولاد .

....

" الزوج "

• يما انا زهقت منها هاي ،

• ليش يما ايش صاير !

• يما تخيلي رجعت الدار لقيتها مش طابخة !

وبس سالتها قال ايش تعبانة ودايخة

• بكرا بجوزك سيد سيدها

......

" البنت "

• خير خير ايش فيه ليش جاية انتي وولادك بتعيطي

-طلقني

• ليشش ، ايش مسوية

• تعبت وماطبخت اله

• حسبي الله فيكي ، صدق الي قال هم البنات للممات

....

هو ثاني اسبوع خطب ، واتزوج

بكل ببساطة بحقله لانه هو الرجال وهي ماطبخت اله ! ليش تتعب مش من حقها تتعب !

.....

-يما انخنقت بدي اطلع اشم هوا مع صحباتي

• فش عنا مطلقات بتطلع برا الدار ايش بدك الناس تحكي !

• بس هو هيو كل يوم والثاني طالع

• هو زلمة ما بعيبوا اشي .

للأسف هذا ما يحدث ويسبب دمار في حياة الطرفين