ليه تم حجب مواقع سياسية بينما لما طالبنا بحجب مواقع الإباحية طلع نواب مجلس الشعب قالوا إنهم بيثقوا في وعي الشاب المصري؟
إجابة السؤال ده كلنا عارفينها، وهي إن وجود أي شئ يلهي الشعب عن القمع والفساد والضياع الاقتصادي والسياسي فهو شئ مطلوب في الدول الديكتاتورية، بينما أي شئ هيزود وعي الشباب بحقوقهم ويعلمهم إزاي يطالبهم بيها مينفعش يكون موجود.
حط المبدأ ده على جميع المشاكل اللي مصر بتعاني منها، هتطلع بنتيجة في الآخر مفادها إن كل محاولات الإصلاح اللي بتبتدي من الشعب هي محاولات غير مفيدة ع المدى البعيد، وإن الإصلاح الحقيقي للمجتمع مش هيحصل إلا بإصلاح السلطة.
قبل ما ربنا يربي المسلمين فهو ربى قائدهم ﷺ الأول، فقبل ما تربوا الشعب، لازم تربوا القائد الأول.
