هل معقول ممكن تكسب فلوس من امازون و انت قاعد فى البيت و بدون اى راس مال؟

اه ممكن عن طريق حاجه اسمها Merch by amazon

أشترك من هنا

دى عباره عن خدمه امازون عاملاها للديزاينرز انهم يصمموأشكال و تصميمات مميزه تتطبع على التيشيرتات او الهوديز او البتاع العجيبه المدوره الى بتتلزق فى ضهر الموبايل ( مش عارف اسمها )

امازون بيحطها فى على موقعه و بيظهرها للمهتمين بالتيشيرتات و بتطبعها على التيشيرتات او الهوديز بالطلب (Print on demand (

و بتشحنها هى و بتستلم الفلوس و بتاخد فلوسها و تديك فلوسك

الخدمه دى متاحه فى امازون بس؟

اه امازون ميرش فاتحه حاليا الخدمه دى ل 3 أسواق مختلفه (امازون امريكا – امازون انجلترا – امازون المانيا )

ازاى بكسب اصلا ازاى كانو هم بيطبعو و يشحنو و يستلمو الفلوس ؟

امازون و انت بترفع التصميم بتديك امكانيه التسعير و بتظهرلك تكلفه التيشيرت بحيث تبقى عارف مكسبك من التيشيرت كام

مثلا انت بترفع تصميم فبيقولك التيشيرت تكلفته 13 دولار مثلا فانت تسعره ب 20 دولار مثلا بحيث لما يتباع امازون تاخد 13 او 15 و انت تاخد 5مثلا

و تقدر تزود مكسبك زى ما تحب بس طبعا سعر التيشيرت بيزيد جدا لدرجه ان محدش هايشتريه اكيد

ايه مواصفات التصميم ؟

كل المطلوب منك تعمل التصميم 5400 طول فى 4500 عرض و يفضل PNG عشان المناطق الشفافه تفضل شفافه فى التصميم

اما فكرته بقى انت و ابداعك و شطارتك تعمل تصميمات حلوه تجذب الناس تخليهم يشترو هل ده أكتشاف او سبق او اختراع لامازون ؟

لا طبعا فى مواقع كتير بتقدم الخدمه دى و على توسع كمان زى Teespring.com بيخليك تطبع على هدوم و مجات و كفرات و مخدات و ليله كبيره سعادتك

طب ما نشتغل هناك احسن؟

لا عشان امازون يكسب فى الترافيك و الثقه الى عند ملايين الامريكان عنده فبتخليك تحقق ظهور كتير للمنتج مجانا لو ظبطت الKeywords بتاعتك

محتاج ايه عشان ابدا؟

محتاج بس 3 حاجات

خبره فى التعامل على برامج ادوبي (خصوصا الفوتوشوب صديق الشعب )

محتاج دماغ فى ايجاد فكره صايعه للتصميم

محتاج متابعه عشان تشوف التريندات ايه

طيب متوسط المكسب كام اصلا ؟

لا دى انت و مجهودك و دماغك ممكن بعد كام شهر تلاقى نفسك بتبيع 50 و لا 70 تيشيرت يوميا بمكسب 5 دولار فى كل تيشيرت مثلا

طب ما حلو احنا نبهدا الدنيا تيشيرتات و نرفع 100 تصميم يوميا؟

لا يا نبيه يا اذكى اخواتك بتبدا بحاجه اسمها Teir 10 يعنى بتبدا برفع 10 تصميمات بس بعدين لما تحقق مبيعات تبقى 25 و بعدين 650 و بعدين 100 و 500 و هكذا

بتسحب الفلوس ازاى ؟

من payoneer.com عشان امازون مش بيحول لبنوك مصريه ( انت كحيان يا محمد ) فبتعمل حساب بنك امريكى او المانى او انجليزى من باييونيرز و بتحسب من امازون منه

هاقسم تجربتى مع امازون ميرش ل 4 مقالات ده اول واحد

التانى : ازاى تختار النيتش و الkeyword المناسبه

التالت : ازاى تختار احسن تصميم و تجيب افكار صايعه تنزلها

الرابع : ازاى تسوق لتيشيرتاتك بشكل مجانى و بشكل مدفوع

مصادر

قناه عزيز الباشا

جروب ميرش باى امازون

مصادر اجنبيه

Merch elephant