لسا لما حد يسألك سؤال بتزعل وتكتئب، وبتحس إنك مش متقدر، وممكن تقفل على نفسك بالأيام.
أتاري الأسئلة دي مش سهلة زي ما كلنا فاكرين.
عارفين ليه أي سؤال -حتى لو واحد- صعب علينا؟ لأننا مش بنعمل مجهود نفهم النوايا من وراء السؤال،
مع أن ربنا سهلها علينا أوي وورانا دا بشكل عملي في سورة البقرة، وحب يوريك أن حتى النبي نفسه بردو بيسأل أسئلة ملهاش إلا إجابة واحدة بتخليه في مواقف اتهام بالشك، أو الكفر، أو الاستهانة، وهما سيدنا عُزير وسيدنا إبراهيم.
﴿وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِ الْمَوْتَىٰ ۖ قَالَ أَوَلَمْ تُؤْمِن ۖ قَالَ بَلَىٰ وَلَكِنْ لِيَطْمَئِنَّ قَلْبِي﴾
وفي نفس السياق سيدنا عُزير بيقول سؤال شبهه أوي بس مش نفس القصد اللي كان يقصده أبو الأنبياء سيدنا إبراهيم.
هنا عُزير كان بيقول:
﴿أَوْ كَالَّذِي مَرَّ عَلَى قَرْيَةٍ وَهِيَ خَاوِيَةٌ عَلَى عُرُوشِهَا قَالَ أَنَّىٰ يُحْيِي هَٰذِهِ اللَّهُ بَعْدَ مَوْتِهَا ۖ فَأَمَاتَهُ اللَّهُ مِائَةَ عام ثُمَّ بَعَثَهُ﴾
أي حد هيقرأ السؤالين دول يفتكر أن كل نبي منهم كان يقصد نفس المقصد: الشك وعدم اليقين بقدرة رب العالمين، صح؟ بس ركز كدا معايا، في هنا نبي بيسأل من باب التعجب على قدرة الخالق، يعني: إزاي تحيي حد يارب؟ دول أصل ميتين وعقلي الإدراكي اللي انت خلقته بيقولي إزاي؟ هيحيي تاني؟ يعني إيه حد بنشوفه بعينا فقد كل شيء في جسده كان ممشيه ع الأرض يرجع يتنفس ويمشي ويبقى حي؟
أما سيدنا عُزير، كان واقف موقف الظاهر منه مع أن دا مكنش نيته ابدا بس حسيت دا المعنى الظاهري لمواقفنا حاليا
عارفين فهمت نيه الاتنين منين؟ من جواب رب العالمين على كل نبي فيهم
يعني سيدنا إبراهيم رب العالمين رد بسؤال الأول: "أولم تؤمن؟" فرد إبراهيم: "بلى ولكن ليطمئن قلبي"،
يعني: يارب لا طبعاً، أنا بس الأمر دا أكل دماغي وشغلني ف، أنا مش مستوعب ولا فاهم إزاي، فنفسي أفهم من باب الفضول، عشان كدا رب العالمين ورّالو تجربة عملية "فخذ أربعة من الطير" وباقي الآية كلنا عارفينها.
تعال لرد رب العالمين على العُزير:
"فأماته الله 100 عام"،
طب ليه؟ مورّلوش بعينه دا بكل بساطة ورجّع كل الأرض الخاوية لمروج حية، ليه حب يعيشه نفس تجربة الأرض ويبقى خاوي زيها، ميت بلا حياة؟ وبعدين بعثه لان رب العالمين كان عالم بنيه أنه مبهور ب عظمه الرب وقدرته علي أمره شايفه بعينه محطم بلا روح ومن يقينه فاهم أن ربنا بكون فيكون تصبح مروج ف رد عليه بتجربته تعيشه دا شبه المغامره اللي كان مبهور بعظمتها وكأن دخل جو الَــَهَ زمني توريه كل تفصيل انبهاره بقدره الخالق وبعدين
سأله: "كم لبثت؟" يعني نمت قد إيه أو غبت عن الوعي قد إيه؟ قال: "يوم أو بعض يوم" والباقي كلنا عارفينه.
ف لسا هترد بالجواب الواحد اللي مفهوش تفكير منك أنا أصل أقصد إيه، ولا هترد زي ما بيحصل على مدار الزمن الرد الواحد والأسهل؟
لا يوجد تعليقات بعد، كن أول من يبدأ النقاش