عارفين قصة سيدنا نوح برضو مش سهلة ومش تقليدية، كأنها بتفتح شباك التشابه بين أُسر كتير اليومين دول ،مروا وبيمروا بنفس الضغط.
يعني عندك سيدنا نوح، بحسه معروف دوره، كأنه ليه دور واحد محدد جوه الحكاية، عكس ابنه. بحس ابنه كل ما افكر في العشر دقايق اللي وقف اتكلم فيها مع أبوه، لازم تعيد حساباتك، تقف ثواني ، وأول ما تفكر تلاقي ألف زاوية تِحِريك. هو كان يقصد إيه لما قال كدا؟ دا فكرني ببيوت كتير دلوقتي كدا.
يعني أول زاوية في الحكاية...
في نقطة فعلًا بحاول أفهمها.
بفكر، يعني أبوه نبي !!!! متخيل يعني إيه نبي😳😅؟ وسيدنا نوح مش أول نبي جه الدنيا، فمعروف لكل الناس يعني إيه نبي أو رسول، لأن كل الأمم اللي قبلهم مر عليهم نفس القصة. فبفكر وأفكر، هو دا مجرد تمرد زي اللي بيحصل معانا في بيتنا؟ يا ابني روح الكلية دي أحسن، يا ابني الشغل دا... مضمون ومستقبل... متعملش دا. في طفل واحد ممكن يقول حاضر، وواحد تاني يقول... لا.
لا، دي بيتمرد، بس برضو يا جدعان ما هو التمرد كمان أنواع،
و كلنا مرينا بيها. هل هو تمرد من باب أنا ليا شخصيتي، حتى لو هيبقى إني أعمل الغلط عشان أفهم ديرتي كلها ، أنا هنا؟
وفي تمرد متغلف من باب أنا كبرت بقى، خلاص بقيت أفهم أنا هعمل إيه ومحدش يدخل.
وفي تمرد غيره، زي القصة الشهيرة عبد الغفور البرعي😅ايوا اسمع مني😅🤝. ابنه عبغفور مكنش ابن ضال ولا عاق، هو بس كان عاوز يقلع توب أبوه، عاوز كل الناس تشوفه هو، تعرفه هو باسمه، بهويته، مش مجرد ابن فلان المشهور.
وفي تمرد عقاب من تغير الحال. مش هتكلم على لسانه وأجزم كان يقصد ايه ، بس فعلًا في أولاد بتكبر وتزعل إن أبوهم فجأة خد خطوة لفعل ضررهم من وجهة نظره طبعًا. حد ونبي يكره إن أبوه نبي 😅🤷 بس دا حال برضو فئة من ولاد الناس، اللي هو: ليه بقيت كدا بسببك؟
ف بقي مطلوب نعمل أمور بترهقنا ، زي إني لازم ألاتزم في كل تصرفاتي ما أنت نبي وقدوة،
زي اني لازم أخلي بالي من كلامي عشان ابن النبي مينفعش يقول كلام سفيه، زي إن كل الناس بقت تركز راح فين وجه منين.
حاسة إن جملة «سآوي إلى جبل يعصمني» مقالهاش عشان هو متأكد من أي حاجة، ومش عاوزة أقفلها إنه مكنش راضي عن نبوة أبوه، مع إنه مات كافر. مش مومن ولا حتى كان مقتنع...
طبعًا في كذا زاوية تانية، وتالتة ورابعة مبتخلصش، كلهم تفكير طويل عن شخصيته المحيرة،
فحاسة إني لازم أقعد معاه شخصبا عشان أفهم ليه قال كدا
لا يوجد تعليقات بعد، كن أول من يبدأ النقاش