9

لماذا أصبحت الإلتزامات في زمنا الحال مبالغ فيها؟

لاحظت مؤخرا إن الالتزامات المادية بقت أكبر وأثقل من زمان، خصوصا مع زيادة الأسعار وتغير أسلوب الحياة. زمان، كان الشاب يقدر يغطي مصاريف البيت والزيارات والمناسبات بمبلغ بسيط نسبيا، والهدايا كانت رمزية أكثر، وحتى السفر أو المناسبات الخاصة كانت أقل تكلفة، والحياة المادية كانت أخف وأبسط.

دلوقتي نفس الالتزامات بقت مضاعفة: مصاريف البيت أعلى، الهدايا لازم تكون غالية وإلا يتهان، بوكسات رمضان وعيد الحب والعيد وهلم جرا، والمناسبات الاجتماعية متكررة وكل مرة فيها تكاليف إضافية، ده غير مصاريف الدراسة، النقل، وحتى الحفاظ على علاقاتك الاجتماعية دلوقتي بقا مرتبط بالخروجات. كل ده بيخلي الناس تحس بضغط مش بس لإدارة حياتهم بل للحفاظ على صورتهم الاجتماعية أمام الناس.

بالنسبة لي، مهم يكون عندنا وعي بالحدود المالية ونفرق بين اللي ضروري واللي زائد، ونحاول نخطط لمصاريفنا بشكل يحافظ على الأموال وعلى صحتنا ونبعد عن الضغوط دي، لأن الالتزامات المادية لو زادت عن الحد تتحول لمصدر ضغط مش راحة، وده اللي بيحس بيه أغلب الناس دلوقتي مقارنة بأيام زمان.


التعليق السابق
0
Mohamed_Wahban أضف ردا

المشكلة مش بس الفرص أو القدرة على العمل، لكن ضغط المجتمع نفسه على حياتنا واختياراتنا. الالتزامات دلوقتي مش بس مادية بل أصبح جزء كبير منها مرتبط بالظهور الاجتماعي وده اللي بيخليها تحسسك إنها أكبر من قدرتك أحيانا، لان معظمنا أصبح بيتأثر بالسوشيال ميديا والمظاهر اللي بتظهر عليها وأساليب الحياة والمنتجات وغيرها الكثير اللي بيحسسك إنك عندك نقص في الجزئية دي فبتحاول تغطيها بقدر الإمكان.

0
ayaavo أضف ردا

الأمر كده بداخلنا ليس بخارجنا، كوننا تأثرنا، فهذا ليس بسبب السوشيال ميديا أو المظاهر، بل لأننا حطناها في أولوياتنا وجعلناها تضغطنا من الأصل، أنا من بيئة تقدس الهدايا والمناسبات وزي ما بيقولوا الفشخرة الكدابة، لكن أنا لا أعمل بذلك، كنت زمان أحيط نفسي بأن أفعل كذا وكذا، لأن الالتزامات ليست مادية فقط، نفسية واجتماعية، فمثلًا في أسرتي يحبون التجمعات بكثرة أنا لا أحب ذلك، وكان الموضوع إلزامي علي من قبل بعض الأفراد، لكن وجدت أنه يمكنني الاعتراض واختيار المناسب لي، اختيار المناسب لنا ولقدراتنا المادية والنفسية هو المهم، صعب مع الوقت ونظرة الناس وأحكامهم ممكن تكون صعبة أحيانا، لأن الحياة ضاغطة لكن لازم رد فعل وأخذ قرار

1
Mohamed_Wahban أضف ردا

أنا شايف إن دلوقتي الناس حاسين بالضغط أكتر بسبب زيادة التكاليف وتكرار المناسبات، وده جعل الالتزامات تظهر كبيرة. الأفضل نحدد أولوياتنا ونفرق بين الضروري والزائد عشان نحافظ على راحتنا المالية والنفسية.