" التعلثُم "

يعني إيه تعلثُم؟

هو صعوبة إنك تنطق الكلام بطريقتك الطبيعية.. كأن في كلمة واقفة، نفسك يطلع صوتك بس مش قادر. أسبابه كتير… ممكن يكون خوف، توتر، وراثة، أو حتى موقف كسرك في طفولتك.

كنت صغيرة وبحاول أجاوب في الفصل… أحاول أنطق الكلمة تخرج مقطوعة.

كنت بلاقي اللي حواليّ بيضحكوا… وأنا مش فاهمة ليه.

كنت بزعل، أعيط، وأسأل نفسي:

"هو أنا عملت إيه غلط؟"

ومع كل موقف زي ده، كنت أهرب وأسكت… ولقيت نفسي لوحدي فترة طويلة جدًا.

بس اللي محدش كان يعرفه… إن كل يوم كنت بحاول.

وأقع وأقوم.

وأبكي وبعدين أكمّل.

ودلوقتي؟

لسه عندي تعلثُم…

بس بقيت أقوى منه.

عشان بدأت أؤمن بنفسي، وأعرف قيمتي، وأحب نفسي زي ما أنا.

نصيحتي ليك:

ماتتريقش على حد… أنت مش عارف معركته شكلها إيه.

كلمة منك ممكن تكسّر حد… أو تعلّيه.

وربنا شايف وبيحاسب على

الأذى حتى لو كان بكلمة.

.

بقلم: إيمان 💫

.