فاكر أول مرة وقعت في غرام القراءة؟
مشهد، جملة، أو حتى غلاف كتاب… لحظة واحدة كانت كفيلة إنها تغيّر كل حاجة!
أنا شخصيًا عمري ما هنسى أول عمل أدبي حقيقي شدّني لعالم الكتب: كان عمل أدبي عبارة عن مسرحية بعنوان "الأجلاف ينصبون المشانق" للكاتب السكندري عبد اللطيف دربالة.
طبعا وقتها كنت بقرأ ما وراء الطبيعة ورجل المستحيل وسافاري وفانتازيا لكن العمل ده كان مختلف موجه للبالغين وأدب مسرحي ومن أول صفحة، حسّيت إني دخلت عالم تاني… ومن ساعتها وأنا مدمن قراءة، بلفّ بين صفحات الكتب كأني بدور على نفسي في كل قصة.
دلوقتي دورك…
فاكر أول كتاب أو رواية أو عمل أدبي قرأته وغيّر نظرتك للدنيا؟
إيه اللي خلاك تقع في حب القراءة؟
احكيلي عن أول شرارة خلتك تمسك كتاب وتنسى العالم حواليك.
مستني أسمع حكايتك… يمكن نلاقي بين السطور حاجات مشتركة!
#أحمدمجدي
التعليقات