مرحبا

هي أول موضوع ألي كسؤال ليس كنقاش وبتمنى أجد إجابات تشفي غليلي

أنا شخص بظن حالي مبدع ولما أي شخص بيسألني عن السر فبجاوب باختصار أصابعي هن السر

عندي قدرة كبيرة بالتحكم بأصابعي وكأمثلة أنا رسام وخطاط ونحات وكاتب سريع على لوحة المفاتيح

ومؤخراً صار عندي اهتمام كبير بخدع الخفة اللي بتنعمل بالأصابع متل العملة النقدية وورق اللعب

هالمقدمة الطويلة ليست من أجل التفاخر ... قصدي منها وضح رغبتي بتعلم العزف على البيانو هي إشباع رغبة أصابعي -اللي دوما عبتبحث عأشياء جديدة لتجربها- أكثر من رغبتي بتعلم الموسيقى.

وللعلم أنا بسمع الموسيقى والأغاني الكلاسيكية فقط إذا صح التعبير مثل أغاني الطرب القديم والأغاني الحلبية كوني اتولدت بحلب وكاظم الساهر وأي شخص بغني بالفصحى متل عبد الرحمن محمد وفايا يونان ...

معلومة تانية ما عندي أي معلومات موسيقية متل النوطات أو الألحان أو الآلات ... واخترت البيانو لأن بعتبرو وعحسب ما قرأت أرقى الآلات الموسيقية وأصعبها.

معلومة تالتة أنا حاليا مقيم بسوريا باللاذقية، اذا أي شخص من سورية بخيرني عن أفضل مكان لأبدأ منو

فسؤالي أي هي أفضل طريقة لأبدأ أتعلم العزف على البيانو، وأي هو نوع الموسيقى اللي بوافق سمعي ؟