خلوني أفضفض كده بكلمتين من باب الخبرة وشوية الشعر اللي شاب مع الزمن 😅.
☕ لما الرجالة يقعدوا لوحدهم سواء على القهوة، في النادي، أو حتى في جروبات السوشيال ميديا… الكلام بيبقى مباشر جدًا، خشن شوية، ويدخل في الموضوع من غير لف ولا دوران.
- يسأل واحد: "عامل إيه؟"
- يرد التاني: "تمام" أو "ماشي الحال" 👌.
- وبعدين على طول يدخلوا في الشغل، الفلوس، اللي كسب واللي خسر. الضحكة قصيرة 😂، ولما بتكون في شكوى بتتقال كأنها نكتة عشان ما تتحسبش ضعف.
- الرجالة عندهم الكلام وسيلة مش غاية.
👩🦰 لما الستات يتجمعوا لوحدهم الدنيا بتتغير خالص! التفاصيل بتظهر، الجمل بتكون طويلة. الخبر مش بيتقال لوحده، ده لازم يتحكي مع قصة من 500 كلمة أقل حاجة، ونجيب سيرة ما قبل الخبر وما بعده ومفيش مانع ندخل عم عبده في الموضوع 💕.
أما بقى لو في شكوى وألم ومضوع صعب يتقال كأنه رواية نفسية ومأساة إغريقية ومستحيل تلاقي فرحة أو ذكرى حلوة في الموضوع. من الآخر الستات بيتكلموا ويفضفضوا مع بعض لأن الكلام نفسه راحة.
👥 لما الرجالة والستات يقعدوا سوا هنا بقى اللعبة بتتغير. الكلمات بتتنتقى زي حبات الرز، الصوت ينخفض، والكل يلبس "قناع الفضيلة" 😇.
- الراجل لو بيشكي يختصر أو يسكت.
- الست اللي كانت بتحكي بالتفاصيل، تبدأ تلمّح وتخفف.
- الكلام يبقى ماشي على قشر بيض، لا هو صريح تمامًا ولا هو حكاية كاملة.
طبعا ده مش نفاق، لكن وعي إن كل طرف بيسمع بطريقة مختلفة ويفهم الكلام بأسلوب خاص وعشان كل واحد في الجلسة المشتركة دي بيكون بيفكر في سؤال واحد "يا ترى يقصد/تقصد مين؟"🤔.
📱 الستات على السوشيال ميديا حالتهم صعبة خالص
أما بقى لو دخلت جروبات الستات هتلاقي الدنيا شكلها مختلف خالص.
الكلام هناك مش مجرد فضفضة، ده أحيانًا يتحول لفتاوى اجتماعية وقوانين أسرية جديدة 😂.
- واحدة تكتب: "جوزي اتأخر في الرجوع من الشغل"
- تلاقي الردود: "دي علامة خطر… لازم تعملي تحقيق ميداني، أكيد بيخونك." 🕵️♀️
- واحدة تقول: "جوزي مش بيهتم بالتفاصيل"
- الرد: "يبقى مش بيحبك… اطلقي وشوفي حياتك" 🚨
الجروبات دي ساعات بتتعامل مع أي مشكلة صغيرة كأنها إعلان حرب. بدل ما يكون فيه نصيحة بسيطة أو كلمة تهدّي، تلاقي الكلام كله رايح ناحية "خلاص… سيبيه"، "انفصلي"، "عيشي لنفسك" 🙃.
المشكلة إن كتير من الستات اللي بيدخلوا الجروبات دي بيبقوا محتاجين كلمة دعم أو طبطبة، لكن اللي بيلاقوه غالبًا هو كلام يفتح باب خراب البيوت. مش لأنهم أشرار، لكن لأن فيه نظرة خاصة عند بعضهم إن الست مش ملزمة بحاجة، وإن أي تنازل هو ضعف.
النتيجة؟ أي موقف عادي ممكن يتضخم ويتحوّل لقصة مأساوية، والبيت اللي كان محتاج شوية صبر وحوار، يتحول فجأة لساحة معركة. واللي يقرأ من بره يفتكر إن الرجالة كلها وحوش، والستات كلها ضحايا، مع إن الحقيقة أعقد وأبسط في نفس الوقت.
📱 الرجالة على السوشيال ميديا مظلومين شويتين
لو دخلت على جروبات الرجالة هتلاقي أغب المنشورات أجيب منين كذا؟ أعمل ايه عشان كذا؟ بفكر في مشروع كذا؟ ولو قرر راجل مرة إنه يشتكي من مراته، أو بيقول عايز يتجوز عليها، أو بيحكي إنه "متهان" وعايز تعاطف، أوعى تفتكر إن الرجالة في الكومنتات هيطبطبوا عليه ويشجعوه 🔥.
لكن الحقيقة الرجالة على الخاص هتلاقيهم بيقولوا:
- "احفظ بيتك" 🏠
- "اتقِ الله في مراتك اللي شايلاك" 🙏
- "انت كده مش راجل" 💪
- "غض بصرك ومتفضحش بيتك" 🚫
رغم إن الرجالة مش ملايكة وممكن يكون بيعمل مصايب الدنيا بس دايما لما يتكلم بيكون الكلام مباشر، ودايما واقف في صف البيت قبل أي حاجة.
الرجالة دايما بتقف مع الست مش بس لأنها ست، لكن لأن الظلم واضح، وبيع البيوت مرفوض عندهم.
🤐 ليه الرجالة كده؟
الرجالة بطبيعتها بتتحفظ في المساحات المفتوحة اللي فيها ستات. مش نفاق، لكن نوع من الستر والعناد. كتير منهم بيرفض يطلع غلطان قدام الملأ. فيختار السكوت، أو الرد الحاد، أو الانسحاب.
لكن في القعدات المغلقة، الصورة أوضح:
- رجالة بتحب بيوتها ❤️
- متمسكة بزوجاتها 👩❤️👨
- بتحاول تحافظ على الاستقرار قد ما تقدر 🕊️
- فاهمة إن الرجولة مش في الصوت العالي، لكن في تحمّل المسؤولية.
🎭 المشكلة الحقيقية
إننا بنعمّم. بناخد نماذج المحاكم، السوشيال ميديا، والفضائح، ونقول: "أهو ده شكل الرجالة". وده ظلم كبير.
زي ما في ستات كويسة وستات وحشة، فيه رجالة أصيلة ورجالة ضعيفة. بس الرجالة اللي بجد…
- بيشتغلوا في صمت 🛠️
- بيحبوا في هدوء 💓
- ومش محتاجين يصرخوا عشان يثبتوا إنهم رجالة 👑.
✨ الخلاصة: ده رايي ومنتظر رأيكم وردودكم عشان دي خاطرة معمولة حقيقي بالحب وعملت أيموجي وبجد فرحان بنفسي.
#أحمدمجدي
التعليقات