تقدر تبقى كويس لو آمنت بده ..

كل حاضر بنعيشه ، هو نتاج أفكارنا الحالية و تجاربنا السابقة 

و طبعا القدر اللي بيرسم مستقبلنا ..

بس الانسان مخير مش مسير ..

يعني انت ليك دور ..

ليك دور في السبق ده ..

انت مش بتسابق حاجه غير نفسك !!

سابق الكسل 

سابق التعب 

سابق الظروف 

سابق التحديات 

سابق الوقعات 

حتى النجاحات ، سابق نفسك فيها ..

انت قوي 

و لازم تعرف ان القوة مبتجيش في يوم و ليلة !!

هي آه جواك ... 

بس محتاجه تاخد وضعها عشان تظهر 

مش هتظهر الا اما انت تسمح لها بده ..

تبقى قد التحدي 

تبقي عندك ثقة ان ربنا لازم يكون رازقك بقدرات معينه ،، لانه ليك رسالة في الدنيا...

و مهما وقعت ، تبقى واثق انه ما يقع الا الشاطر 

هتتعب فترة 

هتزهق و تمل و جايز كمان تفقد الشغف 

بس لازم تفتكر ان الشاطر اللي بيضحك في الاخر بعد ما ينجح في اختبار الصبر ..

بس يصبر و يجتهد و يفوض الامر ..

و مفيش اجمل من احساس النجاح بعد الفشل 

و احساس القوة بعد الضعف 

و احساس الفرح بعد الحزن ..

و طول ما انت واثق ان ربنا مديك ال ٢٤

هتلاقي حاجات نقصت منك صحيح 

بس ربنا مكملها بحاجات تانية 

بس انت ترضى يا صاحبي

قدها ؟؟؟؟