حقيقي انا بحترم كلمات حمزة نمرة جداا ..
يكاد يكون من المطربين القلائل جدا الغير مبتذلين
مطربين القيم
اللي كل اغنية منهم بتدي رسالة
انا بتمسني و بتلمسني اوي الكتابة بشكل عام
فما بالك بالكلام اللي بيفصل النفوس
الكلام اللي بيواجه الشر
الكلام اللي بيقوي الضعف
الكلام اللي بيحترم و يقدر المشاعر مش اللي بيلعب عليها
الكلام اللي مش تجاري
الكلام اللي بيعلمنا ان كل شيء في الدنيا فاني الا الاخلاق
و انما الامم الاخلاق ما بقيت
انا مشوفتش المسلسل
لكن الاغنية سبحان الله صادفتها بالصدقة
و كالعادة ،كل مرة كلمات و الحان و احساس بيثبت قد ايه حمزة انسان جميل و نقي و صادق و اختياراته شبهه ..
بس للاسف ،، زمننا مش بيدي الفرص الكبيرة الا للهلس و بس !!
و مدرسة حمزة و فريقه مش حزينه
هي واقعية
بس الناس مبتحبش اللي بيواجهها بالحقيقة
و بيبقوا عاوزين يهربوا بموسيقى تنسيهم
مش عيب مدام كلماتها مش بتغضب ربنا مقولناش حاجه
بس برده المهم اننا نشجع الفن اللي بيغرس القيم
هي دي القوى الناعمة اللي أفهمها و احترمها
القوى اللي بتحترم مبادئنا و قيمنا ..
كله بيروح ، الفلوس ، الجمال، الشهرة ، الصحة ،.....
مبيتبقاش الا الاصل
وولاد الاصول 🤍
حمزة شاب و مع ذلك لم ينجرف في تيار هوجائية الشباب !!
هو بدأ بأغنية انسان ، و هو حقيقي انسان ❤
استمتعوا بالاغنية
حقيقي هتعجبكم اوي ❤
التعليقات