اسمع نصيحة ولا تفوتهاش
لو تنفعك او تنفعهاش
كل البشر ماشية تَسّاوى
وان جات فى جنبك متشوفهاش
جنس البشر ابن الغابة
يأكل اخوه زى النهاش
طبعه كلاب ولا ديابة
طبع الحياة عايزة الهباش
اخطف واجرى ماتستناش
سيحت دمه ميهمش
مصمصت عضمه ميضرش
لو يسبقك دمك هيسيح
علشان تكمل فى الغابة
لازم تدق الحطابة
وتخش من اوسع الابواب
طبع الحياة عايزة الهباش
خد النصيحة ومتفوتهاش
عصر النزاهة خلاص ولّىَ
يا تتبدل يا تتخلى
زمن المصالح استولى
صنف الفقارى ميشغلناش
هيجرجروك لحكاويهم
حكاوى فارغة متسمعهاش
طبع الحياة عايزة الهباش
ولو هتغفل متعشهاش
