كل حي في مصر يسمع
النفير زي الأدان
كل أرض وكل مصنع
كل قلب يُدق يِجمع
للميدان
إنتي يا قوة بلادي
قوتي وفاتح زنادي
كل فجر يقوم ينادي
وِدني ما تبطّلش تسمع
النفير زي الأدان
ماشي عارف فين طريقي
فين عدّوي وفين صديقي ؟!
الخليج يرجع خليجي
والجبل والرمل يسمع
النفير زي الأدان
يا شقيق زرعي وقطني
يا سلاح ما تِسيبش حضني
في طريق النصر خُدني
ألف خطوة بخطوة أسمع
النفير زي الأدان
يادُعا أم وحبيبة
كل دعوة تقوم كتيبة
في فلسطين القريبة
كل عود مشتاق بيسمع
النفير زي الأدان…
في الخيام ليلِك نهارِك
وطنِك أرض المعارك
تولدي إبنِك في دارِك
لما كل الأرض تسمع
النفير زي الأدان
يرجى الدخول لحسابك أو تسجيل حساب لتستطيع إضافة تعليق
حساب جديد
دخول