القمر غاب الليلادى وانطفى
الشبابيك اتسكرت والضجيج اختفى
الشح ملا حواصل الفلاحين وقت الطحين
والفقير محروم من النوم والدفا
النهاردة الليلة غبرة
ليلة النجم العفيف
اللى كان مولود شريف
واُغتصبوه بعد ما غاب الخريف
النهاردة العيد عيدين
الفقير ماسك رغيف على رصيف المقبرة
النهاردة الشمس... بتغنى وتصدح
حق ولادي هيرجع
حق ولادي.. هيفرح لما تنطرني السما
النهاردة القمر ضياه... اخف من الشموع
الاغاني على وشوش الفقرا دموع
العيال فى الحوارى والنجوع حيرانين
النهاردة الليل مخيف
والبدر غايب من العيون
اتبعترت احلامنا من جوا السجون
الفقير حزنان وخايف
ليل بلادنا اعمي وشايف
النهاردة القمر فر من سكات
اتملت كل البيوت
بالدموع تارة ...وتارة ابتسامات
السكارى صحيوا غنوا
اليتامي المحرومين
الارامل والحوامل على اعتاب السجون
فى انتظار الضحكة اللي غايبة من سنين
السنين طالت وبارت
والفقير بردان وخايف
منتظر واعي وشايف
ساعة النور والخلاص