السلام عليكم ورحمة الله وبركاته
انا يا اخوتي فى الله فعلا فى حيرة من أمري انى ارجو من الله ان يكون هذا الموقع فى حسن النصيحة ..
انا مصرى 21 سنة لظروف لا يعلمها الا الله اجلت دراستى عدة سنين وها انا أكمل مشوارى الدراسى ولكن انا فى قسم علوم
ولكنى عندى شغف بتطوير العاب الاندرويد وIOS ومعنى كدا انى لسا فعلا معرفش حقيقة البرمجة ولاحتى متعلم لغة برمجة واحدة ولكن دائما اتخيل نفسي مبرمج العاب كبير مطور مواقع ألخ..
لكن القسم الوحيد المتاح لى هوا قسم فى حاسبات ومعلومات Bioinformatics تخصص وهوا قسم خاص ومن كام سنة
كانت الناس تتحدث عن هذا القسم انه خرافى و مرتبات خيالية بعد التخرج ولكن قولت طالما كدا كدا هدفع فلوس اروح ادرس بره فكرت فى المانيا وبعد كدا عملت بحث على جوجل لقيت فى تخصصات كتير جدا زي IT,IS,GIS,Computer Systems,Computer Sciences
فعلا مش عارف ومش لاقى حد عنده خبرة يدلنى هل الدراسة فى مصر منها جدوى منها فايدة يعنى هكون متميز
هل المجال له مستقبل فى الوطن العربي وفى مصر بالتحديد ..
وانا ممكن احول ل رياضة بس هتعطل سنة كمان دا لو فى نصيب فى الدراسة فى مصر
صراع الاهل مع الابناء بخصوص الدراسة معركة لاتنتهى
(يبنى احنا عارفين مصلحتك اكتر منك ادخل علوم وادخل طب).الخ...
يا ترى اسمع كلامهم واخلى البرمجة مجرد هواية اخد فيها كورسات اونلاين او اوفلاين وايضا اتعلم لغات البرمجة من المقدمين اونلاين او اوفلاين هل استطيع ان اجعلها هواية ام انها اكثر من ذلك ويجب انا اخذ بها درجة وتعليم جامعى
بالله عليكم يا خوانى اللى عنده معلومة مفيدة ياريت يدلنى
