أصعب حاجه أنك تشوف اخوك بيعيش نفس حياتك ب الضبط نفس كل حاجه بتزعل من نفسك قوي لما يتعرض لموقف بيترك ليه أذي نفسي ومش عارف تتصرف ازاي لأنك مش متعود أو ماعرفتش ازاي تتعامل اصلا في المواقف دي .
حاولوا تساعدوا في المواقف ل هحكيها دي
اخويا مش لاقي حد يلعب معاه و بيعيط كتير قوي و بيقول: ليه مافيش حد بيلعب معايا ، ليه مش راضين يلعبوا معايا ، علشان مافيش عندي لعب و هما عندهم .
مش بعرف ارد اصلا بحاول اساعده من الجانب النفسي شويه احاول اشتري ليه حاجه ، اديه التلفون ، اقوله نكته اضحكه بس مش بعرف بردوا بيعيط تاني.
موقف تاني زي انه بيعاني من الم من تشجنات عضلية في الركبة انا مش حاسه ب الالم بس عرفه التصرفات ل كنت بعملها و اني مش عارفه أربع ولا اقعد أصلا ، قرات عن التعب ده و عرفت أنه سببه نقص كالسيوم بحاول اشربه لبن .
أخويا عنده عشر سنوات بس أنا مش عاوزه يعيش نفس الألم ، مش عارفه يعاني من الجانب النفسي ، مش حمل سوال ليه مافيش حد يلعب معايا ، اخويا هادئ و ذكي جدا و شطور بس مش عاوز يكون لواحده ، اهو ولله يتحب قوي طبيعي طفل في سنه يكون عاوز يلعب و يتنطط .
لو حد عنده حل عملي ياريت يحاول يساعدني بيه
التليفون والنكت مش حل، دا تسكين.
سكّنتي آلامه، ودا مطلوب عشان تعرفي تنفذي الحل، وعشان الحمل يخف عليكِ شوية أحب أقولك إنها مش مسؤليتك وإن دا فضل كبير منك.
والحلول كتير وكويس انك مهتمة بنفسيته، ومدركة مدى تأثير على حياته ومستقبله ومشاعره، رأيي إن لو الظروف المادية تسمح تسألي أخصائي نفسي طبعًا، أو توديه هو لدكتور نفسي.
أما او لأ فأنا شايفة ان مساعدتك المعنوية والنفسية ليه هي انك تصاحبيه انتِ حتى لو مؤقت لحد ما يلاقي صحاب، قضي معاه وقت أكبر وشاركيه اهتماماته واسمعيه، مش هتملي فراغ ولا مكان الصحاب اكيد لكن على الأقل هتقللي الفجوة اللي هو حاسس بيها.
وما تعتمديش على اللبن كمصدر كالسيوم ابحثي وشوفي مصادر الكاليسيوم المختلفة، وابحثي أكتر عن حالته وازاي ما تعيشيش مشاعره، لانك ممكن بتتألمي على تجربتك انتِ مش عليه هو، يعني انتِ كأنك شايفة نفسك بتتعرضي لنفس الموقف تاني رغم ان تأثير الموقف عليه ممكن يكون مختلف تمامًا عنك.
كلامك مهم قوي و مفيد ، وفكره اني أصحابه بحاول ولله يعني العب معاه شويه داخل البيت، اديه فلوس يروح يشتري حاجه بيحبيها ، ناكل سواء اي حاجه ، اي كان ايه الوسيله بحاول اخليه يشعر انه مش لواحده انا جانبه بحاول ولله المستعان.
برايك ايه المصادر التانيه ال فيها كالسيوم ، كشفت وانا صغيره عند دكتور قال دي حاجه بسيطه خدت مرهم بس ماعملش حاجه ف انسب حل ل المشكله الجسديه انه جسمه يكون فيه كالسيوم و ده هيساعده في انه جسمه يكون اقوي و كويس و في نفس الوقت يكون الألم ده مه الوقت يخف و يقل.
عاوزه حل ل أذي اخليه قوي من حيث أن الكل يلعب معاه ممكن اه انه ل حواليه مش شبهه بس مش عوزاه يكون لواحده.
و تأثير الموقف مختلف ايوه بس ممكن ربنا جعلني اعيش المواقف دي علشان اساعده ليه لا علشان يكون اقوي مني في الجانب النفسي ليه لا، ايوه انا الوحيدة ال في البيت و عشت المواقف دي و اعرفه آثارها ازاي ، عامله كاني بحاول بحارب لواحدي مش مهم لأني بإستعانه بالله هقدر بس يارب يكون اقوي مني في الجانب النفسي.
التعليقات