مساء الخير يا شباب....
أنا بقالي فترة شغال كـ Web Developer وقررت أخد خطوة جديدة تماماً وأسس براند ومتجر إلكترونيات " إلكترونكسو | Electronixo"
الفكرة بدأت معايا من الأزمة اللي كلنا عايشينها في سوق الإلكترونيات والإكسسوارات في مصر ان السوق بقا غرقان منتجات "هاي كوبي" ومغشوشة لدرجة تشتري سماعة أو شاحن على إنه أصلي وفي الآخر يطلع مضروب ويبوظ بعد شهر
عشان كدهة قررت أرفع شعار: "للأقوى مش للأكتر" بحيث أركز على المنتجات الأصلية 100% بس ومن مصادرها الرسمية حتى لو المنتجات قليلة بس العميل ياخد حاجة تعيش معاه
سؤالي ليكم كمتخصصين وأصحاب خبرة في ريادة الأعمال بما إن البراند لسه في أوله والناس بقا عندها "فوبيا" وأزمة ثقة في أي متجر جديد بسبب اللي بيشوفوه في السوق إزاي أقدر أقنع العميل من أول زيارة للموقع إن حاجتي أصلية ومضمونة فعلاً؟ وإيه أفضل طريقة لبناء الثقة دي في البداية؟
ركز على العيوب في منتجات التقليد وأعمل فيديوهات توضّح فيها الفروقات الأساسية لكشف هذه الاختلافات، منها محتوى توعوي للجمهور وتشرح لهم كيف يكتشفوا الأصلي من التقليد، بالعلامات والأرقام وشكل القطع، ومنها تبدأ المحتوى التسويقي، ولكن التوعوي يسبق أي شيء لبناء الثقة معهم أولًا ولا يشعروا أنك تريد بيع منتجاتك بنفس شعارات السابقين، بعدها محتوى عن مستخدمي هذه المنتجات ومشاركة آرائهم على موقعك الشخصي وتجربتهم الحقيقية، وتكون تجربتهم أيضًا صادقة وتشرح فعلًا تجربتهم للمنتج، وعمر البطارية مثلًا وجودة التشغيل (حسب طبعًا نوع المنتجات)، من الآخر لو الناس حست أنك جاي تبيع وخلاص محدش هايشتري، لو المحتوى غرضه توعية وصدق فعلًا، خطوة خطوة الفئة اللي عايزة تشتري الأصلي هتبدأ تتواصل معاك، لأن انت بتكلّم الفئة الأعلى هنا اللي يهمها حقائق مش كلام مبيعات وخلاص.
التعليقات