اهلا بكم جميعا...

كنت ببحث النهاردة في إحصائيات براءات الاختراع الأخيرة لشركات زى ميتا، آبل، وسامسونج، ولقيت إن الاستثمارات كلها رايحة لاتجاه واحد بس: "الاستغناء الكامل عن الشاشات التقليدية".

إحنا مش بنتكلم عن مجرد "نظارة" بنلبسها، إحنا بنتكلم عن دمج كامل للذكاء الاصطناعي في حياتنا اليومية.

تخيل إنك ماشي فى الشارع والنظارة بتقولك مين الشخص اللي جاي عليك، أو بترجم لك كلامه لحظياً لو بيتكلم بلغه غير لغتك، أو حتى بتعرض لك ال GPS قدام عينك على الطريق!

من وجهة نظرى التقنية، فيه ثلاث عقبات هما اللي بيمنعوا النظارات دى إنها تنهي على الموبايل دلوقتي:

  • أزمة المعالجة والحرارة: إزاى تحط "مخ" ذكاء اصطناعي فوق ودن المستخدم من غير ما الجهاز يسخن؟
  • قبول المجتمع: هل إحنا مستعدين فعلاً إن كلنا نكون بنصور بعض 24 ساعة.
  • تفاعل المستخدم : هل ال Eye Tracking (تتبع العين) كافى إنه يستبدل "اللمس"؟

أنا حللت النقاط دي بالتفصيل وشفت إزاى الشركات بدأت فعلاً تتخطى موضوع "البطارية" و"الخصوصية" فى الموديلات التجريبية اللي هتنزل قريب.

وهنا نسأل سؤال:

لو نزل فعلاً جهاز بيقوم بكل مهام موبايلك (اتصال، تصوير، سوشيال ميديا) بس فى شكل نظارة خفيفة..

هل هتكون من أوائل الناس اللي يشتروه؟ ولا هتفضل متمسك ب "شاشة الموبايل" التقليدية؟