1

المساهمه في تحسين تجربة مستقل

في كتير مننا كمستقلين بنواجه تقييمات مش دايمًا بتعكس شغلنا الحقيقي،

بننفذ المطلوب بدقة، ونتابع ونعمل تعديلات، ورغم كده ممكن نجمة تتسحب بدون سبب واضح.

علشان كده، أقترح إضافة نظام "تقييم العميل"، بحيث نقدر نقيم تعامل العميل من حيث:

وضوح الطلب

سرعة التواصل

احترام الوقت والجهد

ده هيخلي بيئة العمل أكتر شفافية وعدالة للطرفين، وهيشجع كل الأطراف على التعامل المهني.

لو بتواجه نفس المشكلة، شارك اقتراحك مع دعم مستقل من هنا:

خلونا نوصل صوتنا سوا ✨

#مستقل #اقتراحات_تطوير #تقييم_العميل #عدالة_للمستقل


1
ahmed_abd_elkhalek أضف ردا

عانيت أكثر من مرة من مواقف مشابهة، والأكثر من ذلك أن هناك عميل قد طلب منّي في آخر اجتماع بيننا أن أخفض من قيمة المشروع ماديا وإلا سيعطيني تقييما سيئا، كان التهديد ضمنيا وللأسف وافقت عليه.

لكن في نفس الوقت لا أرى أن تقييم العميل هو الحل، فهذا العميل هو رأس مال المنصة نفسها، هو من يدفع المال، وهو ما تحاول المنصة جذبه من المنافسين، فأبسط ما يمكنه فعله حينما يحصل على تقييم سيء من مستقل أن يذهب إلى منصة أخرى ليدفع لها المال ليصل إلى المستقل الذي يريده.

أتفق معك في المبدأ، لكن أختلف في الحل تماما.

0
ShorouqTareq أضف ردا

المشكلة إن العلاقة حاليًا غير متوازنة. أنا كمستقلة لو حصل من عميل واحد بتقييم سلبي، ده ممكن يأثر على مستقبلي المهني كله على المنصة، بينما العميل مفيش عليه أي نوع من أنواع التوثيق أو التقييم اللي يحذرني قبل ما أشتغل معاه

أنا بفكر فعليًا أبطل أشتغل على المنصة، مش بس عشان الضغوط اللي بتتحط عليا من بعض العملاء زي طلب شغل إضافي مقابل التقييم، لكن كمان لأن المنصة بتاخد عمولة مني ومن العميل نفس القيمة، فالمفروض تكون محايدة وتدعم الطرفين مش تقف دايمًا في صف العميل

إتاحة تقييم العميل هي خطوة مش ضد العميل، لكنها لصالح بيئة العمل نفسها، وده اللي بتعمله منصات عالمية زي Upwork علشان تحافظ على احترام المتبادل. العميل الكويس أكيد هيستفيد، والمستقل هيتشجع يقدم أفضل ما عنده لما يحس إن فيه حماية حقيقية ليه