الأم هي تاج البيت.. ما فهمت الجملة إلا لما تزوجت

كنت أسمعهم يحكوا "الأم هي تاج المنزل" وكنت أفكرها جملة عادية بتنحكى.

ما فهمتها عنجد إلا لما كبرت وتزوجت.

وأنا صغيرة كنت أعتمد على أمي بكل شيء، كل شيء حرفياً. أصحى ألاقي كل شي جاهز، أرجع ألاقي البيت نظيف والأكل جاهز، حتى لو تعبت بلاقيها جنبي بدون ما أحكي.

هلا لما تزوجت، صار كل اشي علي وحدي. البيت، المسؤولية، التفكير ببكرة، كله صار علي.

وقتها بس فهمت أمي شو كانت تشيل عني، وشو كانت تعمل بدون ما تحكي.

فعلاً الأم نعمة عظيمة، الله لا يحرم حدا من أمه، واللي أمه جنبه يبوس راسها كل يوم لأنه تاج عنجد مش موجود بكل مكان.

انتو متى فهمتوا قيمة تعب أمكم؟