أوقات كتير بنعيش جوه دائرة مش عارفين نكسرها ولا نغيرها ودائمً بنكون شايفين إن في يد ُعليا هي اللي بتسيطر علينا وعلى حياتنا، وبالتحديد وجود أشخاص سامين في حياتك أو غير داعمين ليك.
ولكن السؤال هل فعلا هما السبب؟!
ممكن فعلا يكونوا ليهم دور وتأثير حقيقي عليك أنك تفضل زي ما أنت في نفس الدائرة ولكن في مرحلة عمرية معنية ولكن في سن معين لازم تاخد مسؤولية نفسك وتبدأ تمحي التأثير وتكسر الدائرة، تفضل تخبط فيها لغاية لما تتكسر.
الفكرة إنك تعرف نفسك أو تتعرف عليها من غير خوف أنك تعرفها أو أنك فعلا تشوف نفسك وتلمس جروحك بلطف من غير غضب.
اللي حصل خلاص انتهي، عالج جروحك أنك تدور على حلول ويكون عندك صدق النية أنك تغير وربنا هيساعدك.
ويكون ُمعين ليك، الطريق مش سهل ومش مفروش بالورد ولكن تقدر تبدأ حتى لو بنية التغير فقط وتكون هي دي البداية.
متسبش نفسك كأنك اتحبست في فجوة زمنية مش قادر تخرج منها حتى لو مش عارف تخرج منها بظروفك.
اخرج منها بعقلك ونيتك.
واطلب المساعدة لو لاقيت نفسك مش قادر تخرج من سجن صحيت لاقيت نفسك فيه.
التعليقات