صحيت صاحبي مرة لصلاة الفجر، قالي:
"أنا مرهق وعندي شغل الصبح، محتاج أنام شوية"
نفس الشخص ده بيقولي بعدها بأيام:
"I'm part of the 5AM Club.. لازم أصحى بدري وأبدأ يومي productive!"
يعني لما اسمها صلاة الفجر كانت صعبة،
ولما بقت Productivity بقت حماس وڤايبس وإنجاز؟!
الاسم لما بيتغير.. الإحساس بيخف، والحِمل بيبقى خفيف!
تعال شوف أمثلة تانية:
"صيام اتنين وخميس؟! صعب يا عم"
لكن لما تسمّيه Intermittent Fasting = فجأة بقيت ملتزم وصبور وبتهتم بصحتك!
"غض البصر؟ ده تشدد!"
بس تقولها Mental Focus أو Detox from Overstimulation = بقيت واعي ومدرك!
"قيام الليل؟! ده للملتزمين أوي!"
لكن تقول Deep Self-Care Routine = شمعة، ماتش موسيقى هادئة، وتأمل قبل النوم!
"قراءة قرآن؟! مش فاضي والله"
لكن تقول Daily Mindfulness Reading = بقيت قارئ مثقف عنده روتين روحي!
إحنا مش ضد التطوير،
بس لما دينك يقدم لك نفس القيمة من 1400 سنة،
وتستناها تيجي من الغرب علشان تنفذها، يبقى فيه خلل في إدراك القيمة.
اسمه مش اللي يهم.. نيّتك هي اللي بتفرق.
بس فكّر: ليه لما يتقالك "عبادة" تتقل،
ولما يتقالك "Self-Development" تتشجع؟!
يمكن مش محتاج تطوّر حياتك..
يمكن بس محتاج تعيد تسمية اللي انت أصلاً مأمور بيه!
#محمود_المستقل
#محمود_عصام
#تفكير_مختلف
#الوعي_هو_البداية
#دينك_أغنى
#selfdevelopment
#هوية_إسلامية
#حرر_مفهومك
#تأمل
#إنتاجية_حقيقية
التعليقات