هل انت منهم؟
هل انت من الناس اللي مش بترضى تآمن بنفسها وتظهر للعالم لأنهم خايفين من اللي ممكن يحصل وانهم ممكن يفشلوا وصورتهم تبقى وحشة بالتالي بيفضلوا مستخبيين لكنهم في نفس الوقت جواهم رغبة شديدة الإلحاح انهم يظهروا نفسهم للعالم ويشاركوا الحاجات اللي شايفين انهما مفيدة وبتعبر عنهم لكنهم بيرجعوا تاني يخافوا ويختاروا ميظهروش؟
طب هتعمل ايه لو قلت لك ان الخوف اللي جواك دا هو حكم انت حكمته على نفسك وملوش أي علاقة بالناس وان انت بتجلد نفسك أصلًا من قبل ما تحاول أي شئ ورافض انك تجرب وتتعلم بسبب رفضك لنفسك؟
ربما، ربما كل الحل انك تسمح لنفسك تحاول وتعيش تجربتك بشكل طبيعي وما تكونش أكبر عقبة في طريق نفسك.
ربما، ربما الأمور مش سيئة زي ما انت بتختار تشوفها وان انت اللي قررت تعامل نفسك بقسوة شديدة وبقيت كاتم على نفسك بالتالي مش قادر تتحرك.
ربما انت حر.
ربما انت قادر تتحرك.
ربما تقدر تظهر للعالم وتعيش تجربتك بشكل حقيقي.
مش ربما، لكنه أكيد.
التعليقات