بسم الله الرحمن الرحيم
أكيد قرأت عنوان المقالة خلاص عرفت هتكلم عن ايه !
طيب ليه أتعلم لغة جديدة
عشان أقدر اعلي من مستوى تحصيلي الدراسي يعني لما مثلا اتعلم اللغة الانجليزية هقدر اقرا الكتب بالانجليزي وكدا هفتح على نفسي ابواب تعلم جديدة ومختلفة او مثلا اتعلمت الماني هتعرف تقرا بالالماني وتتعلم حجات مترجمتش من الالماني .. وجهة نظر طالب علم
عشان أقدر أقضي أجازتي وانا مرتاح ع حسب لغة الدولة الي هروحها .. وجهة نظر محب للسفر + معاه فلوس :D
عشان أزيد من عمر عقلي (غالبا متعرفهاش) في بحث قالك كل لغة جديدة في عقلك بتدي لعقلك خمس سنوات كمان ^_^ .. وجهة نظر واحد صحي
عشان أنا شغوف باللغة دي وبحبها بجد ومعنديش سبب ( وغالبا ده بيعلى بسرعة غريبة في اللغة)
عشان أقدر أزيد من عدد الناس الي أقدر ادعوهم إلى الله ( غالبا ده بيبقى بوليجلوت يعني بيتكلم بأكتر من سبع لغات)
..
طيب أكي شفت وسمعت طرق كتير أنا النهاردة هقول طريقة ممكن فعلا تكون مفيدة بطريقة مذهلة !!
انك هتقضيها مكالمات بعد الساعة 12 ^_- هههههههه
بس مع الشخص الي متحدث باللغة الي انت بتتعلمها ازاي الاقيه اتوقع انت عارف طريقك كويس , خش واتكلم وقضيها مكالمات ودردشة طريقة ممتعة جدا وفي نفس الوقت بتعلمك حجات كتير جدا
- اللغة الي انت عايز تتعلمها
- بتعرف اكتر عن اللغة من خلال متحدث أصلي
- بتتعرف اكتر عن متحدثين اللغة ومجتماعاتهم وعاداتهم
- بتستمتع وانت بتتعلم
- ممكن هوا كمان يديك مصادر جميلة عشان تتعلم لغتو
التعليقات